كلمات أغنية "بحب سكوتي" لـ طارق الشيخ
طرح المطرب الشعبي طارق الشيخ، أغنيته الجديدة التي تحمل اسم “بحب سكوتي” عبر قناته الرسمية على موقع الفيديوهات “يوتيوب”.
الأغنية من من ألحان طارق الشيخ وكلمات حمو الماجيك وتوزيع رضوان التونسي وستوديو محمد الجندي.
نرشح لك: استمع.. أغنية “بحب سكوتي” لـ طارق الشيخ
وجاءت كلمات الأغنية كالتالي:
بحب سكوتي علشان راحة من الحكايات
يا ريت كل الحياة تفضل كما البدايات
من امتي الحزن غير شيء من اللي فات
عايشين فـ الدنيا
نندم ع اللي ضاع في الذكريات
ملعون زمن المصالح
اللي خلاكم كدا
تابع رغم إني صالح
شوفت ياما فرهده
القلب مش مسامح
والهموم متجدده
مجروح نفسي أبقى جارح
مش كبش فدا
يلا اتفضلوا جبتلكم عيش وملح
ويا ريت تفضلوا
فاهمين الحكمة صح
اللي أنا بعمله ميتردليش جرح
نفسي تصوتوا وتكونوا مبتاكلوش على جوع
بلياتشو فسيرك والضحكة دي كانت مهنتي
بفرك فنفسي فرك لأجل أجيب أنا لقمتي
قدامي السكة دنك وبردو راضي بقسمتي
والناس وخداها ضحك بس أنا فـ ضحكتي
حزنيأنا فـ قسا وسنين عماله تمر
ولعل وعسى إيه اللي فاضل م العمر
الحلو اتنسى طعم الحياة بقى مر
ليه بتعاندي يا دنيا متهدي أنا غيري مفيش
هديتي فـ حيلي
ضهري خلاص انحنى
امتى تروقيلي وأدوق طعم الهنا
بشكر منديلي
استحمل دمعي أنا
بنزف وجع قلبي اتوجع
مش عارف أعيش
في ناس كانوا في حياتي غابوا ثابتين فـ القلب
بفتكر ذكرياتي ببكي وبحزن على حالي
بحزن كتير يوماتي وبشوفهم في خيالي
بصرخ بي في سكاتي م الوجع واللي جرالي
سابوني للذكرى
كام صورة وكام رسالة
عدى عليا فترة
وأنا على نفس الحالة
قالوا يا عالم بكره
هتكون رايقه الغزالة
بكره جه مفرحتش ليه هون عليا يارب
غرقان في همومي
وبحري دا غريق
واقف ليه يومي
واهي ماشيه بالبطيء
وبقوم من نومي
على جرح وعلى ضيق
أيامي تفوت عايش مكبوت
البعد أحسن م القرب
كان طارق الشيخ طرح مؤخرا أغنية “السادة الكرام” من ألحانه وكلمات سامح الكومي وتوزيع محمد جابر.