تامر أمين عن خالد أبو النجا: بيصطاد في الماء العكر
هاجم الإعلامي تامر أمين، الفنان خالد أبو النجا، قائلاً: “أنا مش عارف هو عاوز إيه مننا، وعاوز إيه من البلد، هو عاوز يوصل لإيه؟”.
وأضاف أمين خلال برنامجه “من الآخر” على فضائية “روتانا مصرية”: “شقيقة خالد ماتت في حادثة في شقة في الزمالك، ماتت في حريق، لكن المشكلة إن خالد يخليك متتعاطفش معاه، خالد كتب على صفحته تدوينة بيعزي فيها أخته.. إيه علاقة العسكر والسيسي والبلد وعدم الاستقرار بحريقة في شقة؟”.
وتابع: “حاولت ألاقي علاقة بين كلامه وتدوينته والحادث ملقتش غير انه اصطياد في الماء العكر.. أنا مش عارف هو عايز ايه.. ايه علاقة الدين والعسكر والثورة اللي ذكرهم في تدوينته عن شقيقته؟ عروستي؟”، وأضاف: “يا خالد راجع مواقفك رحمة بأختك وبالبلد”.