لقاء الخميسي عن عدم انضمام "أوسه" لمنتخب مصر: ظلم كبير
علقت الفنانة لقاء الخميسي على عدم اختيار زوجها محمد عبد المنصف، حارس مرمى نادي وادي دجلة، ضمن قائمة منتخب مصر لمواجهتي كينيا وجزر القمر في تصفيات كأس أمم إفريقيا 2022.
نشرت “الخميسي” عبر حسابها الشخصي على موقع تبادل الصور والفيديوهات إنستجرام، صورة لمحمد عبد المنصف، وكتبت: “عمري ماكان ليا في الكورة، وإنما بعد جوازي تابعت واتفرجت مع أوسه كتير وكنت معاه خطوة بخطوة في مشواره، وكلمتي دي كلمة حق مالهاش أي علاقة بإنه زوجي، كلمتي دي عن راجل قوي ولاعب كورة مميز جدا وعنده إصرار والصفة الوحيدة التي لا تميزه اللؤم والضرب من تحت لتحت، رجل واضح مجتهد نضيف”.
نرشح لك: لقاء الخميسي لمنتقدى زوجها: الخرم ده موجود في مخكم
تابعت: “وبما إنه نضيف تحالفت كل الظروف عليه، ونبتدي بإنه كان بيلعب في نادي كبير وعريق نادي الزمالك وكان معاه جول آخر في نفس السن وكان دائماً صراع مين هايلعب، وكان أوسه جاي من نادي مزارع دينا وقدامه عرض الزمالك والأهلي وكان من أهم الأجوال الشباب، ظروف لا يحتملها أي إنسان وضغط نفسي طول الوقت تعرض له أوسه، دا مضايقات كتير من بعض من الجمهور، مدفوع الأجر أو المزقوق، وبقول بعض علشان ماحدش يطلع يقول إن باعمم لأن دي مش حقيقة في جمهور كبير محترم، وبما إن الشر أحيانا كتير بيكسب في الأول وبما إن المقاومة هي الحل الأمثل، أوسه قاوم وكمل وعافر وتحمل وشال كتير إلى أن جه وقت الإنصاف عند رحيل أوسه من القلعة البيضاء ومحاولاته الدائمة وإصراره على تكملة حلمه وحبه الأول في الكون وإيمانه بنفسه”.
استكملت: “وتألق أوسه وهو في أجواء نفسية مناسبة وإيمان المدربين الأجانب به وعدم تحيزهم لأحد لأنهم مالهمش حسابات غير شغلهم، رحلة أوسه تستحق كل الاحترام والتقدير، أوسه الآن في كامل تألقه ورونقه وقادر على حماية عرين منتخب بلده ويستحق التواجد، ودا اللي يخليني اسأل نفسي: امتى مش هايبقى في حسابات إنسانية في الشغل، إمتى هايبقى الفيصل هو الأداء ومن يستحق، إمتى هانخرج عواطفنا بره منظومة العمل في كل مجالات مصر مش بس الكورة”.
اختتمت: “اللي حصل دا ظلم كبير، إحنا محتاجين نتغير وندي كل ذي حقٍ حقه، أوسه من غير المنتخب برضو مكمل في النجاح بس إحساس وجوده في منتخب مصر ليه رونق وطعم تاني وشرف لكل لاعب وأوسه يستحق منتخب مصر”.
View this post on Instagram