يسرا عن معاناتها مع كورونا: "محدش كان مصدق إني هعدي"
تحدثت الفنانة يسرا عن تجربتها مع الإصابة بفيروس كورونا، الذي تعافت منه منذ فترة، قائلة إنها ليست بصحتها 100% كما كانت قبل الإصابة بالفيروس.
أشارت يسرا خلال لقاء مع “ET بالعربي“، إلى أنها أصبحت تشعر بالتعب أسرع، مردفة: “بتعب أسرع وبنهج في آثار جانبية متعرفيش إيه هي بيقولولك من الكورونا”.
نرشح لك:أمينة خليل عن “خلي بالك من زيزي”: “صعب من أول ثانية”
أوضحت إلى أن سلبية مسحة كورونا ليست كافية، مضيفة: “سلبي مش كفاية، سلبي معناها إن معندكش كورونا حاليا حتى لو جسمك فيه أجسام مضادة فخد بالك”، متمنية الشفاء لكل مريض.
لفتت إلى أنه من الضروري الحذر من فترة ما بعد كورونا، مردفة: “ما بعد كورونا ساعات بيبقى أسوأ من كورونا، أنا جالي كل الأعراض اللي ممكن تتخيلها، ومحدش في الدنيا كان يتخيل إن ممكن أعدي، ببركة دعاء الناس عديت الدعاء يغير الأقدار دا حقيقي”.
وعن وقوف الفنانات بجوارها في أزمتها، قالت: “دول عشرة عمري، عايشة معاهم بقالي عمر تاني، وبجد بيخافوا عليا وبيحبوني بجد، وبيقلقوا عليا بجد، وفي حاجات مش ممكن تشتريها لو أغنى ست في العالم مش ممكن تشتريها إلا لو كانت حقيقية”.
وعن زوجها قالت: “هو نجم بدون شك، هو نجم حياتي، ربنا يخليهولي حقيقي ربنا هداني بهدية اسمها خالد سليم، حب بدون شروط أنتي بتعيشي بالحب دا وبتبقي أحسن وتقدري تقفي على رجليكي من أي محنة من خلال الحب الكبير”، موضحة أنه لا يحب الظهور في البرامج، مردفة: “عشان يظهر معانا في إعلانا أنا وهشام يا خرابي على اللي عملاناه، أنا من ناحية وهشام من ناحية ونقوله لازم، مكلمتوش وقولت للمخرج أنا مكنش موجودة في نفس المكان وهو بيصور”.
يذكر أن يسرا تواصل تصوير دورها في مسلسل “حرب أهلية” مع باسل الخياط وجميلة عوض وسينتيا خليفة وأروى جودة، وإخراج سامح عبد العزيز.