أسباب تفكير مي فاروق في الاعتزال
دنيا شمعة
صرحت الفنانة مي فاروق أنها تفكر في قرار الاعتزال، وكشفت أسباب تفكيرها في تلك الخطوة.
قالت “فاروق” خلال مداخلة هاتفية مع برنامج “القاهرة اليوم” مع الفنان إدوارد وبثينة توكل، أمس الخميس عبر قناة “اليوم”: “كلنا بتجيلنا لحظات بنتعب ونيأس ونزهق، بتبقى بتحاول في حاجات وتلاقيها متقفلة.. بتجيلنا لحظة نسأل نفسنا هو أنا بعمل إيه وإنه ملوش لازمة”.
نرشح لك: صور من كواليس مسلسل “نسل الأغراب”
أضافت: “أنا دايما شايفة نفسي في حتة معينة عاوزة أوصلها، بس الناس دايما بتروح ورا الناس اللامعة أكتر.. أنا ممكن أكون لامعة في حتة معينة بس دايما الناس بتوجهلي اللوم إني حاصرة نفسي في حتة معينة وإني مكسلة.. والناس متعرفش إحنا بنسعى أد إيه عشان نثبت نفسنا ومصر يتقال إن فيها فن محترم”.
أردفت أن كل ما تحصده في نهاية تعبها واجتهادها هو الإشادات بصوتها ولا شيء آخر، وأنها ليس لديها القدرة على معرفة أشخاص معينة والجري خلفهم لطلب مصلحة ما كما يفعل معظم الناس، وهو ما يصعب عليها تحديد سبب عدم نجاحها بالشكل الكافي.
استطردت: “الناس بقت تجري على الأسهل وعلى الحاجة المفرقعة أكتر، مش الحاجة الكويسة اللي بتتعب وتجتهد عشان تثبت وجودها.. لو عديت الأصوات الموجودة في مصر دلوقت هتلاقيهم 3 أسامي بس”.