"أنا هربيك".. عمرو أديب يقاضي محمد رمضان
رد الإعلامي عمرو أديب، على السخرية التي وجهها له الفنان محمد رمضان، بعد انتقاده لـ “رمضان” على خلفية نشره أحد الفيديوهات ويظهر فيها يرمي أموالا في الماء بعد حم تغريمه 6 مليون جنيه لصالح الطيار أشرف أبو اليسر.
قال “أديب” خلال تقديمه برنامج “الحكاية”، مساء الأحد، المذاع عبر شاشة “mbc مصر”: “الفنان المتربي نعمة، فأنت لو مش متربي في اللي ممكن يربيك، وللأسف في ناس بيبقى حظها وحش لأنها اتعودت تاخد الحياة بوشها ومحدش هيعملها حاجة”.
نرشح لك: عمرو أديب: رامز جلال طقس رمضاني وأصبح زي فوازير رمضان
تابع: “وبيحسوا إن هما مسنودين، أنا معنديش مشكلة إن أنا اختلف مع أي حد في أي حد، لكن إننا نوصل لعدم الرباية، دا موضوع مش أنا اللي هاخد حقي في لكن في قانون في البلد، والحمد لله القانون دا جاب حق لناس الأسبوع اللي فات”.
أردف: “النهارده طلبت من المحامي بتاعي الأستاذ طارق جميل سعيد، أنه يرفع قضية على الفنان محمد رمضان لإساءته ليا، وندرت ندر ندرا عليا قدام الناس كلها أي فلوس هخدها من محمد رمضان هوديها لمستشفى الأطفال في أبو الريش، 100 ألف جنيه أو مليون أو 5 مليون هيروحوا لأبو الريش”.
واصل: “أنا من النوع اللي مش بياخد حقه بالتجاوز البلد دي فيها قانون، ويا أنا يا أنت، نروح للقاضي نقف قدامه ونوريله الكلام ونشوف، ولو القاضي أداني التعويض هيروحوا مستشفى أبو الريش 57375، وأنا مستعد العمر كله أقعد معاك في مساجلات لكن قلة أدب لأ”.
وجه كلامه لـ “رمضان”، قائلا: “ولو محدش رباك أنا هربيك، المسألة بسيطة جدا وأنت مش أحسن من ناس كتير، وأنا هاخد حقي بالقانون، اوعى بردو غرورك يصورلك أنك تعمل أي شيء ويعدي أيام سودة جاية. أنا معايا محامي كبير ومحترم وخلينا نروح المحاكم ناخد حقنا، لكن أنا مش هدخل في سجال قليل الأدب، لكن أنا راجل بيعبر عن الناس ولما الناس استاءت عبرت عنها”.
أردف: “أنت لو فاكر أنك مسنود، القانون مبيسندش حد، البلد دي مفهاش حد مسنود مهما كنت أنت مين، وأدينا ققاعدين بينا القضاء، وإن شاء الله الفلوس لمستشفى أبو الريش للأطفال”.
عمرو أديب يوجه رسالة قوية لمحمد رمضان: يا أنا يا أنت.. و لو محدش رباك أنا هربيك رفعت قضية وأي فلوس هتيجي ندر عليا هتبرع بيها لمستشفى أبوالريش#الحكاية#MBCMASR
أصل الحكاية كل يوم هتعرفها مع عمرو أديب ومتخليش يفوتك حاجة من هنا :https://t.co/TxxvPJZjEk pic.twitter.com/mz5XHA67qi— الحكاية (@Elhekayashow) April 11, 2021
كان محمد رمضان رد على انتقاد عمرو أديب له، بفيديو من مسلسل “الأسطورة” إذ ركب كلام “أديب” على الفيديو، وانتهى الفيديو بجملة “بس يا بابا”.
View this post on Instagram