تعليق سلوى محمد علي على أزمة أحمد السعدني
علقت الفنانة سلوى محمد علي على أزمة انسحاب الفنان أحمد السعدني من مسلسل “كله بالحب”، الذي تقوم ببطولته الفنانة زينة، ويعرض ضمن موسم رمضان 2021.
وجهت سلوى رسالة للسعدني عبر حسابها على فيس بوك، كاتبة: ” ارجع يا أحمد المسلسل مش شخص واحد، المسلسل عشرات الفنانين والفنيين اللى وقتهم وجهدهم لا يقدر، ولا أي تتر يساوى عطلة زمايلك.. ارجع يا أحمد ده مسلسل بيتعرض الجمهور له حق علينا نخلص اللى بدأناه ولو ليك حق خده بعد الشغل مش في وسط الشغل.. وعارف التتر اللى مزعلك ده بيتشال بعد أول أسبوع هتخلص المشاكل ويبقى العمل الفني شاهد على الحقوق”.
نرشح لك: أحمد السعدني ينسحب رسميا من مسلسل “كله بالحب”
كان السعدني قد أعلن قبل ساعات انسحابه رسميا من مسلسل “كله بالحب”، الذي يشارك في بطولته مع الفنانة زينة، وتنافس من خلاله في الموسم الرمضاني الحالي.
كتب السعدني عبر حسابه على فيس بوك: “أعلن بشكل رسمي انسحابي من المسلسل (المهزلة) تقدمي بشكوى رسمية للنقيب الدكتور أشرف ذكي ضد شركة الإنتاج للخرق الواضح للعقد الموقع مع الشركة، متمسكا بكافة حقوقي المادية وآسف للإزعاج مرة أخرى ورمضان كريم”.
اعلن بشكل رسمي انسحابي من المسلسل (المهزله) و تقدمي بشكوي رسميه للنقيب الدكتور اشرف ذكي ضد شركة الانتاج للخرق الواضح للعقد الموقع مع الشركة متمسكاً بكافة حقوقي الماديه و اسف للازعاج مره اخري و رمضان كريم
Posted by Ahmed Elsaadany on Monday, April 12, 2021
كما اعتذر للجمهور مؤخرا عن مشاركته في مسلسل “كله بالحب”، بسبب مشكلات تحدث في المسلسل وعدم التزام شركة الإنتاج بشروط التعاقد بينهما.
وكتب عبر حسابه الشخصي على موقع التواصل الاجتماعي فيس بوك، وكتب: “بسم الله الرحمن الرحيم، الحقيقة أنا عمري ما عملت مشكلة في شغلي وعمري ما اختلفت مع زمايلي إنما أنا اللي بيحصل معايا في المسلسل اللي شغال فيه ٢٤ ساعة مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف، أنا متربي في ستوديوهات كبرنا أنا واللي زيي اللي كان بيتقال عليهم أبناء الفنانين كأنها شتيمة على احترام مهنتنا مواعيدنا ومذاكرتنا وتحضيرنا للشغل”.
تابع: “احترامنا للكلمة قبل العقد للأسف شركة الإنتاج ملتزمتش معايا باتفاقهم اللي على أساسه وافقت اشتغل وكان شرط أساسي لقبولي الشغل معاهم والحقيقة أول مرة أشوف تصميم دعايا عمل فني من أفيشات وبرومو بتعمله زميلو في العمل، طول عمري كنت فاكرها من اختصاص شركة الإنتاج”.
استكمل: “الحقيقة أنا ضهري في الحيط أكمل وأقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب ولا أقعد في بيتنا واكتفي باللي صورته واطلب من النقابة تجيبلي حقوقي المادية، وفي كل الأحوال أنا بعتذر لأي شخص بيحبني عن تواجدي في هذا العمل لأن الحقيقة اللي بيحصل ده مهزلة”.
مسلسل “كله بالحب” إخراج عصام عبد الحميد، ويشارك في بطولته زينة وصابرين وأحمد السعدني وباسم سمرة وكريم قاسم وسامر المصري.