عمرو أديب مهاجمًا الخيم الرمضانية: كورونا ضاربة جامد
دنيا شمعة
انتقد الإعلامي عمرو أديب، انتشار الخيم الرمضانية في ظل ظروف انتشار فيروس كورونا.
قال “أديب” خلال حلقة أمس السبت من برنامجه “الحكاية” المذاع عبر شاشة “mbc مصر”: “واجبي إن أقول لحضراتكم.. الكورونا ضاربة جامد ومش في مصر بس ده في كل حتة في العالم، ومش ضاربة أعداد دي ضاربة تحورات وأنواع سلالات جديدة.. والناس بتبعتلنا إعلانات عن خيم رمضانية”.
نرشح لك: لميس الحديدي عن مشهد فض رابعة في “الاختيار 2”: وثق حقائق شاهدناها جميعًا
أضاف: “المصريين هما اللي اخترعوا فكرة أصله في الهوا ومفيش مشكلة.. لأ فيه مشكلة، الناس بيجيلها كورونا وبتتعب وبتروح المستشفيات، الهند كانت قررت انها تتيح مباريات الكريكت والاحتفالات الدينية ودلوقت عندها في شهر 2 مليون إصابة واهي احتفالات في الهواء الطلق”.
أردف: “الخيم الرمضانية بتاعتكم دي بتعملوها ليه؟ اوعى تقنعني إنك هتروح الخيمة الرمضانية نص ساعة وتمشي ومش هتغني ولا ترقص ولا تتنطط، الكورونا يا جماعة بتزيد وأنا بطلب من حضراتكم، سارعوا في التسجيل في الأبليكيشن بتاع لقاح كورونا”.
تابع: “بعض المستشفيات في مصر بقت تتكلم إن عندها زيادة طفيفة في الحالات، طبعا عندنا الأسبوع اللي قبل رمضان وهنرجع الأسبوع اللي قبل العيد، خدوا بالكم من نفسكم وخدوا اللقاح”.