عبد الباسط حمودة: "لو عمرو دياب الهضبة أنا الحكمدار"
حل الفنان عبد الباسط حمودة، ضيفا على برنامج “العرافة”، مساء الأحد، مع الإعلامية بسمة وهبة، عبر شاشة “المحور”.
تحدث “حمودة” خلال اللقاء عن زواجه الثاني وعلاقته بعمرو دياب، وتفاصيل عن حياته ورأيه في مطربي المهرجانات، وفيما يلي أبرز تصريحاته:
نرشح لك: عبد الباسط حمودة: “دلوقت مفيش فن”
1- تزوجت على زوجتي “أم رامي”، لأنها كانت تغضبني، موضحًا أن مشكلاتهم انتهت بمجرد أن تزوج عليها، مضيفا: “رجعت لها، لأن خيرها عليّ وقدم السعد وعاشت معايا على الحلوة والوحشة، أنا ندمان ومش هعمل كده تاني، أنا آسف”.
2- هاجم الملحن عمرو مصطفى بسبب سخريته من أغنيته الشهيرة “أنا مش عارفني”، قائلا: “لو مش عجباه، يعني ألحانه هي اللي حلوة؟! ولو وصل للعالمية فإحنا وصلنا لإيه؟! للكتّاب؟! الأغنية دي اتغنت في أمريكا.. ده مش ملحن”.
3- أحب حمو بيكا لأن دمه خفيف جدا وبيضحك طوب الأرض، وبحبه وبحب حسن شاكوش.
4- بحب عمرو سعد عشان محترم وجدع، أما محمد رمضان أقوله أرجوك خلي الناس تحبك عشان أنت جميل وكويس وليك مستقبل هايل، لما بيتكلم بيبقى متعصب، ولو عملت مشكلة زي اللي حصل مع الطيار المفروض كنت أراضيه وأبوس رأسه، ولما رمى الدولارات في البسين ممكن متكونش حقيقية بس أحسبها افتراء وابني لو عمل كده أموته.
5- عندما كنت أغني في الأفراح الشعبية، كان المطرب الشعبي محمود الليثي صغيرا في السن، موضحًا: “كان بيجيب تسجيل وألاقيه واقف عشان يسمع أنا بقول إيه، وكنت دايما أقولهم مشوه من هنا، فربنا كرمه”.
6- وحول تقبيل محمود الليثي ليديه، قال: “عنده ولاء للي علمه، ومش عيب لما يبوس إيدي ويقولي ربنا يخليك يابا، وأنا ممكن أبوس إيد محمد رشدي الله يرحمه، أنا بعشقه”.
7- وعن سعد الصغير، قال: “بيرقص وميغنيش، ميعرفش حاجة عن الغناء، طلع وقال إني بغني ومعاه استعراض وبقلده، مين سعد الصغير ده؟!”. مضيفا: “أنا لو في فرقة ورايا بترقص أموت نفسي، في شيبة وطارق الشيخ ومحمود الليثي وحسن شاكوش”.
8- وحول علاقته بعمرو دياب، أوضح: “عمرو دياب مدانيش كتف، بس في معلق مشجع للزمالك اسمه أحمد الطيب، ومفيهوش ريحة الطيابة، قال إن عمرو دياب ومنير بيشجعوا الزمالك، لكن سعد الصغير وعبد الباسط حمودة بيشجعوا الأهلي، فقلت للطيب أنا الهضبة يلا”.
9- قال إنه لا يوافق على أن يكون المغني الشعبي حمو بيكا عضوا في نقابة الموسيقيين، مقترحا بأن تصدر النقابة له تصاريح للغناء حتى تستفيد منه،
10- حمو بيكا يغني على فلاشة أو دي جي، وربنا يكرمه، هو ده بيغني؟! هتخليه يغني بالعافية؟! بس هي جاية معاه عشان طيب، ولما بكلمه بيقولي والله ما بغني يابا، فليه نقف في سكته؟!.
11- أنا ثابت مكاني على الكرسي وكله بيقلد عبد الباسط، أنا قاعد في مكاني ورزين ومفيش واحد يهزني، كله يقلدني وأنا مقلدش حد.اسألي شيبة يقولك ده عمنا، وحكيم بيقول إني من أحسن الأصوات اللي جابتها مصر، أنا قصة تانية وموضوع تاني.. سموني العفريت وفريد شوقي والحكمدار والوحش.
12- عمرو دياب من الناس اللي شقيت معانا، ويستحق لقب الهضبة، بس لو هو الهضبة فأنا الحكمدار، وكل واحد له لقب.
13- أوضح أنه لا يوافق على الغناء مع الراقصة جوهرة أو أي راقصة أخرى، متابعا: “أي رقاصة بقابلها بديها بالعصاية، ولو حصل ولاقيت واحدة موجودة مش هغني وصاحب الفرح يولع”. مردفا: “مبحبش الكلام ده، الناس هتتفرج على الرقاصة ولا تسمعني؟! المفروض الجمهور يركز معايا، ولا هتطلع 15 واحدة، إحنا في حمام سباحة؟! ولو كده مش هرجع العربون”.
12- عملت أغنية مع صوفينار عشان الناس عرفتها، والمنتج والمخرج كانوا جايبينها، لكن محبش أكررها تاني.