حفيدة عبد الله غيث: "ممكن نبطل نقارن الفنانين بجدي"

عبرت الفنانة ياسمين غيث، حفيدة الفنان عبد الله غيث، عن ضيقها من مقارنة الفنانين بجدها الراحل كل فترة.

كتبتت “غيث” عبر حسابها” على موقع التواصل الاجتماعي “فيس بوك”: “يا جماعة.. أنا من موقعي هذا، ومع احترامي لكل الناس ووالله كلهم شاطرين وموهوبين جدا وأكيد مش مستنيني أقول كده عليهم. بس لو سمحتم ممكن نبطل نقارن الفنانين بجدي؟”.

نرشح لك:حمدي الميرغني عن صاحبة فيديو “هي الفلوس دي حلال”: مثل أعلى ليا

تابعت: “ممكن نبطل نقارن أي حد عامة بجدي؟ علشان غلط كده يا جماعة والله وظلم للناس حرام. عبد الله غيث واحد بس وماجاش ولا هييجي زيه. من أول رمضان كل شوية حد يبعتلي صورة ليه ومقارنات و كده، ما تظلموش حد”.

تابعت: “في حاجة اسمها فنانين محترمين وموهوبين وهايلين ولا خلاف عليهم، وفيه حاجة اسمها (عبد الله غيث)”.

يذكر أن عدد من المواقع الصحفية والصفحات على مواقع التواصل الاجتماعي، كانت قد قارنت بعض الفنانين في الأدوار الصعيدية بالراحل عبد الله غيث. والذي رحل عن عالمنا عام 1993 واشتهر بأدائه للشخصيات الصعيدية.