أسباب تجعل من "ديدو" الفيلم الأقرب لقلب كريم فهمي
شارك الفنان كريم فهمي، الجمهور بمنشور كشف من خلاله عن الأسباب التي جعلت من فيلم “ديدو” المنتظر عرضه في عيد الفطر، الأقرب إلى قلبه.
طرح “فهمي” المنشور عبر حسابه الشخصي على موقع “إنستجرام” وكتب الآتي: “أسباب تخلي ديدو الأقرب لقلبي مع حبي لجميع الأفلام اللي كتبتها.. لما توتا (محمد أحمد السبكي) قالي من ثلاث سنين تعالي نعمل فكرة عقلة الأصبع في الأول رفضت لأكتر من سبب أولهم إزاي هقدر أبعد عن كل الأفلام الكتير اوي اللي اتعملت بالتيمه ديه من زمان لحد دلوقتي زي ( honey i shrunk the kids – ant man – down sizing)”.
نرشح لك: أرجوك لا تفعصني سهوا.. كريم فهمي يروج لفيلم “ديدو”
تابع: “وثانيهم إزاي احنا في مصر هنقدر نجاري الناس ديه في الجرافيكس وهو أحد أهم عوامل الفيلم لحد ما جاتلي قصة جديدة للتايم وده اللي شجعني اشتغل عليه سنه تقريبا قصة وسيناريو وحوار وكان اتفاقي مع السبكية إني أسيب خيالي يشتغل للآخر وإن شاء الله كله هيتنفذ وكانوا فعلا عند وعدهم وأكتر ومبخلوش على الفيلم ماديا أو بالمجهود وتاني حاجه شجعتني إني نفسي أعمل فيلم للأطفال والكبار مع بعض ويبسط كل الأعمار، الفيلم ده رحلة ثلاث سنين صناعة مع صديقي وأخويا المخرج عمرو صلاح اللي تعب جدا في فيلم صعب علي أي مخرج ولكنه كان قدها وقدود وقاد المركب كما قال الكتاب وطبعا كريم السبكي اللي مهما اتكلمت عليه مش هوفيه حقه في الفيلم ده (منتج فاهم أوي بقي) وعم أحمد السبكي اللي اتحمس للخطوة الجريئة جدا ديه وصبر علينا السنين ديه كلها”.
اختتم: “شكرا كل صناع هذا العمل وشكرا شركة mercury ياسر النجار القائمين على الجرافيكس وهي شركة مصرية، أوعدكم هتتفرجوا على حاجه مختلفة وأتمنى انه يعجبكم”.
View this post on Instagram
فيلم “ديدو” بطولة كريم فهمي وبيومي فؤاد وأحمد فتحي وحمدي الميرغني ومحمد ثروت وهدى المفتي وغيرهم ومجموعة من ضيوف الشرف ومنهم أحمد فهمي وهشام ماجد وشيكو، وهو من إنتاج كريم السبكي ومحمد أحمد السبكي ومن سيناريو وحوار كريم فهمي وإخراج عمرو صلاح.