تامر عاشور لمنتقديه: عمري ما اتريقت على سليم عشان اتريق على مريض

واجه الفنان تامر عاشور، في الساعات القليلة الماضية العديد من الانتقادات، بعد أن طرح صورة جمعته بطفلة مريضة أثناء تصوير إعلان جمعية أيادي المستقبل، لعلاج الأورام، وكتب عليها “لا خدي انتي أنا صايم يا فاطرة”.

رد “عاشور” على منتقديه بطرح منشور أوضح من خلاله حقيقة موقفه عبر صفحته الرسمية على موقع “فيس بوك”، وكتب فيه: “صباح الخير، أنا طول حياتي ومشواري عمري ما اتريقت على حد سليم علشان اتريق على مريض حاش لله، واللي أخد كلامي تريقة على مريض نفوسهم ضعيفة وهم اللي مرضى بيفرقوا بين المريض والشخص الطبيعي”.

نرشح لك: أعراض شديدة.. إصابة فريدة سيف النصر بفيروس كورونا

تابع: “لو نزلت صورتي مع أي طفل اللي هو غير مُكلف بالصيام، وقولتله بأي طريقة، متشربش مياه قدامي يا فاطر أو خد دي يا فاطر أنا صايم حد هيتكلم؟ مستحيل علشان طفل طبيعي، لكن المريض لا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملاتنا”.

أضاف: “المرض الحقيقي هو التفرقة بين أطفالنا اللي بصحة جيدة ربنا يديهم كل الصحة وأطفالنا اللي ربنا اختارهم للمرض، المرض الحقيقي هو إن فكرة المعايرة جاتلك قبل ١٠٠ فكرة تانية ممكن تجيلك من جمال البنت وضحكها وبهجة الصورة، وللأسف شوفت كمان حاجه غريبة جدا، ناس كتير قوي محسوبين على هامش هامش هامش المجال الفني عمرهم ما شافو مني حاجة وحشة غير إني مباديهمش مواعيد لاقيتلهم تعليقات كأنهم ما صدقوا لاقولي غلطة وأنصحهم العمر بيجري حاولو تعملو حاجه لنفسكم أولى”.

اختتم:”البنت اللي في الصوره فضلت ف حضني طول تصوير الإعلان وبحبها جدا جدا، ومتفقين انا وهي على حاجات كتير قوي قوي هنعملها”.