رحل أمس.. الساحر شريف يتحدث عن حبه لمهنته وللأطفال

توفى الساحر شريف أمس، وهو أحد أشهر مقدمي ألعاب خفة اليد للأطفال، ومقدم برامج السحر في التلفزيون المصري في التسعينيات، كما شارك في برنامج “بنات وولاد” على شاشة النهار.

ارتبط الساحر شريف وما يؤديه من خدع وألعاب بالأطفال بشكل كبير، حيث تفاعلوا معه وأحبوه، بل وبعضهم تمنى أن يصبح مثله ويستطيع تنفيذ الخدع كما يفعل.

نرشح لك: نقل الفنانين سمير غانم ودلال عبد العزيز إلى المستشفى

ولعل حب الساحر شريف لمهنته هو ما أكسبه كل هذا الحب، ففي حديث له على شاشة التلفزيون المصري مع الإعلامية فريدة الزمر، قال: “الأطفال لما بيتفرجوا عليا لما بعملهم عيد ميلاد، يقول أنا شريف الساحر، علشان هو بيحب التركس الحركة بتاعة الساحر”.

تابع: “الأطفال بيحبوا كل شيء غريب، والطفل المصري بيمتاز بالذكاء وعلى فكرة حسه الفني عالي قوي، المتعة في التركس إنهم مش عارفين السر، ما لو عرفوا السر مش هيتفرجوا، دايما بسافر بحاول أجيب تركسات جديدة لأن طبعا كل يوم في تكنولوجيا، بالرغم من إن دي معدات عندنا بتعتمد على الأيد أكتر وأنا بشتغل بالأيد، كأنه بانتومايم بالظبط وده مهم جدا في شغلنا”.

استكمل: “دي مهنة أنا حبيتها من صغري وسافرت برة وقعدت أنميها ودرست في مدارس برة، علشان كده اللي بيقولي هي أكاديمية؟ بقوله أيوة لأن هي فعلا ليها مدارس برة”.