إيهاب توفيق: "فوجئت بمعجب داخل أوضة نومي"
ذكر إيهاب توفيق، موقف طريف تعرض له، موضحا أن أحد المعجبين اقتحم منزله وتحديدا غرفة نومه.
قال في لقاء مع برنامج “شيخ الحارة والجريئة” مع المخرجة إيناس الدغيدي، على قناة “القاهرة والناس”، مساء الاثنين: “كنت في مرة مستني صديقي حمدي الملحن عشان نسمع ألحان ونقعد قعدة شغل، وعادة حمدي بيجي يطلع وهو من أصحابي المقربين ويستناني في أي حتة في البيت، وبلغت أفراد الأمن تحت البيت أن الأستاذ حمدي الملحن جاي”.
تابع: “دخلت استحمى وطالع ألبس هدومي لقيت حد بيفتح باب الأوضة وداخل، وقلت له أنت مين يا ابني، ولما سألت الأمن مين ده افتكروه حمدي صديقي”.
نرشح لك: إيهاب توفيق: “ضهري اتكسر بعد موت أبويا”
أضاف: “طلع واحد جاي بالصدفة يعرض أغاني وعايز يوصلهم لي، وراح الأمن مطلعينه وفجأة الراجل لقى نفسه في الأوضة بتاعتي، ووضحت له الموقف وانصرف”.