عمرو مصطفى: أرجو عدم الزج باسمي لقد اخترت العمل في صمت
وجه الفنان عمرو مصطفى، رسالة لزملائه في الوسط الفني طالبهم فيها بعد الزج باسمه أو صورته في أي تصريحات، مؤكدًا على أنه يريد العمل في صمت.
نشر “مصطفى” الرسالة عبر صفحته الرسمية على موقع “فيس بوك” وجاء نصها كالآتي: “رسالة لجميع زملائي ملحنين ومؤلفين وموزعين الوسط الفني، أكن لكم جميعاً كل الاحترام والتقدير.. في حلقة العرافة صرحت بأنكم جميعاً (أفضل مني) فضلاً وليس أمراً عدم الزج باسمي أو صورتي، لقد اخترت العمل في صمت غناء أو تلحين، نريد جميعاً أن نصنع موسيقى راقية لنرتقي جميعاً بالذوق العام، وأكررها جميعكم أفضل مني”.
نرشح لك: عمرو مصطفى: “أنا اللي صنعت عمرو دياب”
فيما رد الشاعر الغنائي تامر حسين كاتبا: “ياريت يا عمرو ننشر المبدأ ده وننشر احترام وتقدير الصغير قبل الكبير مش دايمة لحد وكلنا رايحين والوقت ده مش وقت صراعات وخلافات أنا بقولهالك قدام كل الناس اللي بتحبك وبتقدر فنك احنا كبار بـ أخلاقنا قبل فننا اللي بنقدمه للجمهور المحترم وبنصدر له تقدير وشكل راقي واحنا في شهر كريم مش عايزين نخلق فتن عايزين كلمة حق وكلمة خير وسلام وربنا يكرمنا جميعاً”.
ليرد عليه عمرو مصطفى: “طبعا يا تامر ده كلامي من زمان التقدير للصغير قبل الكبير وانت شوفت بعينك بس انت شوفت البوست بعينك بقاله ساعات شوفت حد من الزملاء علق، صدقني أنا عمري ما هكون منافق علشان أرضي أي إنسان أنا بعامل الرب مش العبد وده اللي لازم نعلمه للناس، أنا نزلت البوست فقط لأن دي مشاعري تجاه المنافسين مش الزملاء”.
