عمر كمال: "ظني ربنا هيسامحني على غلطاتي"
ذكر مطرب المهرجانات عمر كمال، بعض من تفاصيل حياته، وخوفه من الموت في بعض الأحيان .
قال “كمال ” خلال حواره مع الإعلامي أحمد سالم في برنامج “لحظات جريئة” المذاع على قناة “القاهرة و الناس”، مساء الثلاثاء، إن الله أرحم بكثير من الفكرة التى أعطاها البعض لنا، وإذا وقف أمام الله وتحدث معه سيتجاوز أشياء فعلها.
نرشح لك: سماح أنور عن الموت: “عايزة أقعد مع ربنا”
أشار “كمال” إلى أن الالتزام الديني بالنسبة له ليس الالتزام الشكلي، وإنما الالتزام هو الصلاة ومساعدة الناس وفك كربهم.
وردا على سؤال الإعلامي أحمد سالم “مفكرتش تلتزم”، قال: “هو الالتزام اللحية؟ تعرف شلت كام واحدة من زنقة؟ ساعدت كام واحد ممكن يدعي لي ويقعد لي عند ربنا؟ ده أحب عند ربنا من التدين الشكلي”.
أضاف: “بفكر في الموت أوقات بسيطة، بحس إن ربنا غير اللي وصلوهولي وبحسه رحيم أوي أرحم من الحاجات اللي بيقولوا هيعذبنا بسببها، لو وقفت قدام ربنا هيتجاوز عنها، في اعتقادي لو عملت غلط، لو أذيت في يوم حد فأنا أذيت نفسي مأذيتش حد وظني ربنا هيسامحني في حق نفسي”.