أيتن عامر: "كوفيد 25" كان 30 حلقة ولا يشبه "Bird Box"
مارتينا فايز
نفت الفنانة “أيتن عامر” وجود شبه بين مسلسل “كوفيد 25” وفيلم “Bird Box”، وقالت إن المسلسل كان من المقرر عرضه على 30 حلقة بدلًا من 15 حلقة.
أكدت “عامر” خلال لقائها مع الإعلامية إنجي علي في برنامج “رمضان أقربلك” المذاع عبر “نجوم أف أم” أن مسلسل “كوفيد 25” لا يشبه فيلم “Bird Box”، معلقة: “فيلم “Bird Box” مش مفهوم اللي بيعديها هو إيه، لكن إحنا عندنا حاجة صريحة بتقول إن المرض بينتقل بالموجات الكهرومغناطيسية عن طريق العين”.
نرشح لك: بسبب مشهد في “كوفيد 25”.. أيتن عامر: شايلة هم الحلقة النهاردة
تابعت: “إحنا لو رجعنا لأي تيمة درامية ولو رجعنا للأدب اليوناني أو أي أدب في العالم هنلاقي إن التيمة واحدة، لكن إحنا عندنا الموضوع مش كده، ممكن يبقى في ظروف متشابهة مع كذا عمل تاني ولكن إحنا مش عندنا المرض بينتقل كده”.
أردفت: “أنا اللي شايفاه إن الحرب اللي جاية مش هتبقى حرب فيروسات، أنا شايفة إنها هتبقى حروب عقول وحرب تفكير، كل كلمة بتتقال في وسائل الإعلام بتشكل وعي شعبي، فلازم نخلي بالنا من أي حاجة بتتقال وبتتعمل لأننا بنبني مجتمع وفكر جديد ووعي شعوب”.
وفي نفس السياق، قالت إن مسلسل “كوفيد 25” الذي يعرض حاليًا على الشاشات كان من المقرر عرضه خلال 30 حلقة، مضيفة: “أستاذ أحمد نادر جلال ويوسف الشريف قالهم لو أنتوا عايزين المسلسل ده يتعرض السنة دي مش هينفع يبقى 30 لأننا محتاجين وقت في التنفيذ”، وأشارت إلى أن الحلقات القادمة في المسلسل ستشهد أحداث مشوقة لأن الظروف ستكون أصعب والخطر سيهددهم من كل النواحي.
View this post on Instagram
مسلسل كوفيد 25 من إنتاج شركة سينرجي، وإخراج أحمد نادر جلال، وتأليف إنجي علاء، ومن بطولة يوسف الشريف وأحمد صلاح حسني وأيتن عامر وإدوارد وإيناس كامل وميدو عادل وأمير صلاح الدين وصفاء الطوخي وراندا البحيري وآخرين.