رأي 9 فنانيين في فكرة تصدر "التريند"
مارتينا فايز
تناول الإعلامي أحمد سالم خلال حلقة اليوم من برنامج “لحظات جريئة“، الحديث عن فكرة “التريند”، وأخذ في ذلك آراء بعض الفنانين والإعلامين ووجهات نظرهم في تلك النقطة.
قال الفنان فراس سعيد: “أنا لو عملت فرقعة هركب التريند بحاجة أنا عايز أعملها، إنما أنا عايز أركب التريند فأروح أحضر الريد كاربت بتاع مهرجان القاهرة وأنا لابس مايوه، ما أنا هركب التريند”.
نرشح لك: أحمد سالم لـ محمد رمضان بعد أشرف أبو اليسر: “ادفع لعل ربنا يغفر لك”
كما وصف الفنان صلاح عبد الله “التريند” بكونه خطرا جدًا، مُعلقًا: “أنت عارف اللي بينتحر علشان يتعرف”.
وعن رأي إدوارد، قال: “التريند ده هيروح بينا في داهية، مش عارف الناس عاجبها إيه في التريندات وأن أنا أبقى تريند وأبقى نمرة واحد.. التريندات دلوقتي بقت بتُشترى، بتدفع فلوس علشان تبقى تريند فتبقى تمام”، واستطرد لاعب كرة القدم السابق شادي محمد: “أركبه بحق.. لكن ماركبوش وأنا بتهاجم أو عملت حاجة تقلل مني”.
قالت الإعلامية منى عبد الغني: “لو هيكون عندي مشاهدة عالية بحاجة فيها قيم هتحسب في ميزان حسناتي، لكن علشان أفرقع بحاجة أتنازل فيها عن قيمي ومبادئي مش هعملها لو حتى هتجيبلي ملايين مشاهدات”.
علقت الفنانة سلوى عثمان: “أتمنى من ربنا أن كل عمل أعمله الناس تحسه أوي”، وأضافت ليلى عز العرب: “يعني إيه أبقى تريند..ما لو واحد قلع ومشي في الشارع هايبقى تريند”.
قال حمو بيكا: “خلاص التريند ده أنا شبعت منه، أول واحد أخذ التريند في مصر كنت أنا.. وهو أنا علشان أعمل تريند أروح أتخانق مع صاحبي مثلًا”، كما أردف عمرو كمال: “أنا مش محتاج أبقى تريند، أنا عندي صفحة عليها 7مليون بني آدم، وصفحة على الإنستجرام فيها أكتر من 2مليون، يعني اللي عايز أقوله هيوصل كده كده”.