مها أحمد: أنقصت وزني بسبب مشاكل صحية
أكدت الفنانة مها أحمد، على أنها كانت تحصل على العديد من الأدوار حينما كان وزنها زائدًا، إلا أنها لم تحصل على أي دور بمجرد أن اتبعت حمية شديدة.
أوضحت “أحمد” خلال البث المباشر الذي ظهرت فيه عبر حسابها الشخصي على موقع “إنستجرام”: “جت عليا فترة أيام بكبوظة كنت بشتغل كويس ومكنتش محتاجة لحد، كنت البونبوناية بتاعة أي فيلم، لكن ضهري وركبي وجعوني جدا ولاقيت نفسي عجزت بدري”.
نرشح لك: كيف خذل أحمد السقا وأمير كرارة مها أحمد؟
تابعت، أن أسرتها لها تاريخ مرضي مع وجع الظهر والركب ولذلك اضطرت لإنقاص وزنها، إلا أن ذلك الأمر أبعد عنها الأدوار، معلقة: “حد قالي صدمتي المنتجين والمخرجين لأنك كنتي عاملة كراكتر معين”.
كانت مها أحمد قد نشرت منشورا كتبت فيه الآتي: “عوضي على الله دي الجملة اللي دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم مبيعملوش كده مع أي زميلة لهم أقربها أنا”.
تابعت: “النجم الأولاني بيني وبينه عيش وملح وزماله رشحت فمسلسل بطولته وكان بيقنعني بدور ولما وافقت بعتولى دور تاني معرفوش دور متعملوش واحده مبتدئه المفروض انه عارف قيمته الفنية وعارف إني إضافة له اتهرب مني وموقفش جنبي وباعني رغم إن الكل عارف إني زي اخته (ندل)”.
أضافت: “اما التاني كان فبداياته يتمنى يسلم عليا ويقولي يا أستاذة نزلت من نفسي وقلتله مش هنشتغل مع بعض ما هى الحوجة مرة رد وقالي الدور بينادي صاحبه، طبعا محكلكوش قد ايه ندمت نفسي وعشت أسود أيام حياتي عياط واكتئاب، وقلت (عوضى عليك يارب)”.
استكملت: “تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتية للأستاذة)”.
اختتمت: “يمهل ولا يهمل ابدؤا من جديد يا أوفر تمثيل ياللي مبتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح بلاش تتشطروا على أساتذتكوا، (عوضنا على الله) يارب متحوجنا لحد حتى ولو كان أقرب الناس لينا”.