كلمات مهرجان "اتنين وحوش" لـ محمد شاهين ومينا عطا
تعاون كل من نجمي “ستار أكاديمي” مينا عطا ومحمد شاهين في أغنية جديدة، على طريقة المهرجانات حملت اسم “اتنين وحوش”.
نرشح لك: شاهد.. مهرجان “اتنين وحوش” لـ محمد شاهين ومينا عطا
الأغنية من كلمات وليد العطار، توزيع رامي المصري، إنتاج سلطان الشن.
وجاءت كلمات الأغنية كالتالي:
إحنا راجعين بالتقيل .. عدنا بعد غياب طويل
مين فيكم قادر يشيل .. يرفع لينا إيده يقول
إحنا جاهزين وبجدارة .. نلعب اللعبة بشطارة
رجوع شديد يعمل إثارة .. نكتسحها بعرض وطول
يا صاحبي أنت اللي باقي .. والباقي صبحو أعدائي
كله في كفة وأنت فـ كفة .. أنا وأنت أجدع ثنائي
أيوة أنت صاحبي وشقيقي .. دايما منور طريقي
دا الجاي لينا عشان شقينا .. مين غيرنا يومها كان شقي
لقبونا بـ اتنين وحوش .. قالوا دول مابيرحموش
وإحنا بنحارب الوشوش .. اللي ماشية لنا بـ100 لون
اللي جاي عليكوا نار .. حتى لو أعداء كتار
إحنا جاهزين للدمار .. أي هجمة نجيبها جون
يا صاحبي أنت اللي باقي .. والباقي صبحو أعدائي
كله في كفة وأنت فـ كفة .. أنا وأنت أجدع ثنائي
أيوة أنت صاحبي وشقيقي .. دايما منور طريقي
دا الجاي لينا عشان شقينا .. مين غيرنا يومها كان شقي
تمشي عافية وتمشي ذوق .. أنا وأنت يا صاحبي فوق
في المكان قادرين نسوق .. فاردين السيطرة ع الآخر
أنا وأنت ما لينا زي .. هما صوت وأنا وأنت حي
الدمار في السكة جاي .. واللي مش قدنا يتأخر
يا صاحبي أنت اللي باقي .. والباقي صبحو أعدائي
كله في كفة وأنت فـ كفة .. أنا وأنت أجدع ثنائي
أيوة أنت صاحبي وشقيقي .. دايما منور طريقي
دا الجاي لينا عشان شقينا .. مين غيرنا يومها كان شقي
كان الثنائي قد روجا للأغنية خلال الأيام الماضية عبر حساباتهم على مواقع التواصل الاجتماعي، وذلك بفكرة مختلفة وهي إظهار أن بينهما خلافا يتداولان تفاصيله على “السوشيال ميديا”.
يذكر أن محمد شاهين ومينا عطا، كانا قد تعاونا من قبل في أغنية “أنا الصاحب” عام 2015، وحققت الأغنية نجاحا كبيرا وقت طرحها، وتخطت عدد مشاهداتها حتى الآن الـ10 مليون مشاهدة.