موعد انطلاق الموسم الجديد من برنامج "هي وبس" لرضوى الشربيني

يشار إلى أن رضوى الشربيني، كانت قد تحدثت عن الأزمات التي مرت بها مؤخرا من إصابتها هي وأسرتها بكورونا، ووفاة والدتها متأثرة بإصابتها بالفيروس 2 مارس المقبل، وسط حالة من البكاء والتأثر الشديدين.

قالت “الشربيني” خلال تقديمها برنامج “هي وبس”، المذاع عبر شاشة “cbc”، إنها مؤمنة بالآية الكريمة “لا يكلف الله نفسا إلا وسعها”، مضيفة: “مقتنعة أن ربنا سبحانه وتعالى مش هيشيل كتفي حاجة إلا لو كان قدها، كان عندي كابوس لمدة 50 يوم مش قادرة أتكلم على تفاصيله دلوقتي.. أو مش عايزة أتكلم عن تفاصيله دلوقت”.

وفي تأثر وبكاء، تابعت: “أقدر أتكلم عليها فأنا أقدر اتكلم عليها، لكن إحنا كان لازم نطلع عشان عندنا رسالة والرسالة دي لازم نكملها، وكمان كان لازم أطلع لأني نفس الست اللي قعدت 5 سنين اللي قعدت تقولكم إن مع العسر يسر، وأنه مهما حصل ومهما الواحد مر بحاجات مش كويسة لكن ربنا موجوود”.

أضافت: “الاختبار صعب، والحياة اختبارات وامتحان، كل واحد فينا عندنه امتحان بشكل، وكل واحد فينا بيمتحن بقدر استطاعته، لكن أنا هي هي الست اللي كانت بتقولك هتعدي وأنا كمان متأكدة أنها هتعدي بالصبر والدعاء والصلاة”.

أشارت إلى أنها اختارت الظهور الإعلامي اليوم، رغم أنه كان أمامها الخيار بأن تنتظر لبع شهر رمضان، مردفة: “عشان زي ما بجعك كمان بشجعني، وربنا قال إن مع العسر يسر مرتين عشان يأكدها، وجزء من يسري الكبير كانت أنتوا، وجزء كبير من الدعوات اللي جت لأمي وهي عايشة وبعد ما ماتت كانت منكم، لوكنت قعدت عملت فلوس كتير أو كنت ملكة الدنيا مكنش هيحصل، ناس كتير وقفت جمبي وكل زمايلي في الشغل، أشخاص ربنا سخرهم عشان يكونوا جزء من يسري”.

أردفت: “إحنا بشر لازم نمر بحاجات ونصبر عليها ونستحملها حتى لو العقل مش مستوعبها والقلب مش مستحملها، وإحنا لازم نقول الحمدلله ونصبر”، ووجهت رسالة إلى متابعيها ومحبيها قائلة: “أنتوا وحشتوني جدا وشكرا ليكم جدا، عشان في الأزمة دي محستش إن أنا اللي عملته في الـ5 سنين اللي فاتوا راح بالعكس، بشكر للناس اللي دعتلي ودعت لأمي الله يرحمها”.