عمرو أديب: فخور بتعاطف محمد النني مع القضية الفلسطينية
علق الإعلامي عمرو أديب، على تضامن محمد النني، لاعب نادي أرسنال الإنجليزي مع القضية الفلسطينية، وقال: “أنا فخور بالنني واللي عمله النني وقت حرب غزة وتعاطفه مع القضية الفلسطينية، والأشياء اللي كتبها وقالها”.
تابع “أديب” خلال برنامج “الحكاية” المذاع على شاشة MBC مصر: “النهاردة فيه فيديو جميل جدا للنني الصغير والنني الكبير، محمد النني ووالده ناصر النني وهما داخلين لبعض مسابقة في الكورة”.
نرشح لك: عمرو أديب: النسخة الجديدة من كورونا تنتقل في الهواء
استكمل: “تفتكروا مين اللي هيكسب، محمد النني ولا ناصر النني، ناصر الكورة مبتقعش منه، ومحمد برضو لاعيب كبير، بص ناصر النني بص المهارة، برضو الدهن في العتاقي”.
أردف: “النني الصغير وقع في البحر والنني الكبير يكسب، فيديو جميل وعلاقة جميلة بين الأب اللي ربى والابن اللي عامل صيت جميل ونجاح في بريطانيا، وكمان الحب للرياضة والكورة، ولغاية دلوقتي ناصر النني لاعب بلدية المحلة مهاراته في الكورة أحسن كتير من النني المحترف في بريطانيا”.