إيمان رياض عن تامر حسني: له دور في تغيير المجتمع للأفضل
علقت الإعلامية إيمان رياض، على مفاجأة الفنان تامر حسني لـ”ندى” مريضة السرطان، التي استدعاها لتسجيل أغنية معها في منزله بسبب حبها له.
نشرت “رياض” مقطع من الفيديو الذي فاجأ فيه “حسني”، ندى، عبر حسابها على موقع تبادل الصور والفيديوهات “إنستجرام”: “لما النجم يكون قريب من الناس و بيجبر الخواطر.. أنا معرفش القصة دي قديمة ولا لاء.. أنا لسه شايفة الفيديو حالا وحبيت بس أقول إن هو ده الفنان الحقيقي، القريب من الناس، اللي بيجبر بخاطر الناس، بيفرحهم. له دور كبير في تغيير المجتمع للأفضل”.
نرشح لك: شاهد.. تامر حسني يدعم مريضة سرطان بالغناء معها
تابعت: “دي مش أول مرة أشوف فيديو ليك بتفرح حد وبتساعده وده اللي بيميزك أنك مستمر في عمل الخير وأصبح عادة عندك مش مجرد صدفة مرة ولا اتنين! شكرا لتامر حسني وشكرا للي وصلوه بالبنوتة الجميلة دي اللي عيطت لما شفت فرحتها. ربنا يشفيها ويسعدها ويبارك فيك يا تامر ويزيدك من فضله”.
View this post on Instagram
في سياق آخر، ينتظر الفنان تامر حسني عرض فيلمه “مش أنا” قريبا، من بطولته وماجد الكدواني، حلا شيحة، حجاج عبد العظيم، سوسن بدر، محمد عبد الرحمن، ومن تأليف تامر حسني، وإخراج سارة وفيق.