بعد "من يؤتمن على العرض".. انتشار "قايمة" جديدة على بياض
تداول رواد مواقع التواصل الاجتماعي صورة لـ قائمة منقولات زوجية، فارغة وغير مكتوب بها شيء، ووقع عليها الزوج “على بياض”.
ونشرت فتاة قصة كتابة قائمة المنقولات الزوجية قبل كتب كتابها، وقالت: “محمد كان عندنا قبل كتب الكتاب بأسبوع وبابا بيقوله عايزين نجيب القايمة ونقعد نشوف الحاجات وكده، قاله تمام هاتها قبل ما امشي”.
نرشح لك: أبرز تصريحات والد عروس قائمة المنقولات
أضافت: “لما جابه قالي هاتي قلم وراح وقتها ماضي عليها من غير ما نكتب أي حاجة خالص بابا وقتها استغرب قاله ازاي اقعد ونشوف، قاله”هي الفلوس اللي هتخليني احترمها كفاية إنك مديني حتة منك”.
تابعت: “ولحد دلوقتي هو ميعرفش فيها كام ولما اجي اقوله يرد يقولي دي آخر حاجة افكر فيها، فالحمد لله إنه رزقني بيه، الكلام دة عدى عليه سنة وكام يوم”.
وذلك بعد أيام من رفض والد عروس كتابة قائمة لابنته، واكتفى بعبارة “من يؤتمن على العرض لا يسأل عن المال”، بمحافظة الشرقية.