أنغام عن خوض تجربة التمثيل: مستعدة لو فيه عرض مناسب
قالت الفنانة أنغام، إنها كانت متفائلة بأغنية “أنا بعته كتير”، مضيفة أنها تكون سعيدة بردود الأفعال ولكنها تخاف من فكرة التركيز مع الأرقام، قائلة: “بسيبها تاخد وقتها”.
تابعت “أنغام” خلال مداخلة هاتفية مع برنامج “القاهرة اليوم” المذاع على شاشة ألفا اليوم ويقدمه الفنان إدوارد والإعلامية نانسي مجدي: “بحس إن لازم نسيبها وقت شوية علشان الواحد يبدأ يصدق وميتغرش من أول لحظة بأرقام، حلوة وتفرح طبعا وكل حاجة، بس أنا دايما عندي رعب”.
نرشح لك: شاهد.. كليب “أنا بعته كتير” لـ أنغام
وحول خوضها تجربة التمثيل، قالت: “أنا بحب التمثيل جدا وعندي استعداد إني لو اتعرض عليا حاجة حلوة ومناسبة وملائمة لمرحلتي ولشكلي دلوقتي أعملها جدا بس لسه مفيش حاجة”.
أردفت: “هو دايما بيبقى فيه قلق، أنا قلوقة وبخاف، بحب شغلي قوي فببقى خايفة قوي، بس في نفس الوقت بيبقى عندي طاقة في شغلي إني اعمل حاجة حلوة، وبيبقى عندي مؤشر إن ده هيعجب الناس، لأن أنا دايما براهن على الناس ووعيهم وإحساسهم، بشوفهم متلقي راقي جدا، وأغنية زي أنا بعته كتير، نجاحها بيقول كده، بيأكد وجهة نظري”.
يذكر أن أنغام طرحت أغنية “أنا بعته كتير” مؤخرا، وهي من كلمات أمير طعيمة، وألحان إيهاب عبد الواحد، وتوزيع طارق مدكور، ووتريات هاني فرحات.
شاهد.. ميريام فارس غدارة يا دنيا