عمرو أديب مازحًا: مفيش قرصين أخدهم وألاقي نفسي عمرو دياب؟
دنيا شمعة
علق الإعلامي عمرو أديب بطريقة طريفة، على خبر اكتشاف دواء ثوري جديد في الولايات المتحدة للتخسيس خلال فترة قصيرة.
قال “أديب” خلال حلقة أمس السبت من برنامجه “الحكاية”، عبر شاشة “mbc مصر”: “أنا أعرف ناس وأنا مش منهم الحمد لله، حياتهم عبارة عن دايت فاشل وبيخرجوا من دايت يدخلوا في واحد جديد من كيتو لـ لوس أنجلوس لكالوريز، بس فيه حاجة غريبة جدا إنك تقعد سنة عشان تنزل 10 كيلو وتتخنهم في يومين، المفروض نردهم زي ما خدناهم يا جماعة”.
نرشح لك:بعد الهجوم عليه بسبب إريكسن.. عمرو أديب يدافع عن محمد صلاح
أضاف: “دايما أقول يارب ليه أتعب نفسي وألعب رياضة وأعمل دايت، مفيش قرصين أخدهم وألاقي نفسي عمرو دياب؟.. دلوقت فيه دوا اكتشفوه وهو كان للسكر بردو بس اكتشفوا قدرته على حاجة تخسيس الشخص في مدة قصيرة جدا، وطبعا لازم يتاخد تحت إشراف طبيب”.
أردف: “قالوا إن الدوا ده لسد النفس، أنا واحد من الناس معرفش يعني إيه نفس مسدودة.. أنا أعرف نفسي مفتوحة وده على طول ووالله ولا مرة نفسي اتسدت.. وده مرض زي النفس المسدودة برضو”.