عمرو أديب عن مالك شقة الزمالك: برئ حتى تثبت إدانته
علق الإعلامي عمرو أديب، على الجدل المثار حول ملكية متهم شقة الزمالك للمضبوطات التي تضمنت على لوحات وقطع أثرية.
قال “أديب” خلال حلقة مساء الأحد من برنامج “الحكاية” الذي يقدمه عبر شاشة MBC مصر، إن هذه المضبوطات من حق المتهم إذا كانت ملكيته سليمة.
نرشح لك: متخصص: بعض اللوحات في شقة الزمالك يتخطى سعرها 700 ألف استرليني
تابع: “لا جناح عليه وملكيته محفوظة، لو في حاجة غلط أو شمال يتعاقب، ورغم ذلك ناس بتقول هو عمرو أديب بيدافع ليه!”، معلقًا: “المتهم برئ حتى تثبت إدانته”.
أضاف: “منين بتحكموا وبتعرفوا إنها تاريخية أو حقيقية، مضيفًا: “رغم اني عدت الكلام 40 مرة.. أنا مع مبدأ إن الملكية الخاصة تحترم، الراجل ده عمل ايه محدش عارف، عمل حاجة غلط محدش عارف، في رغبة عند ناس كتير اننا نخلص بقى، مينفعش ، لازم الحاجات تتعمل صح، أنا مش بمشي مع الرايجة، وانت حر، الغريب إن الناس مبتسمعش ويقولك بتعيد الكلام ليه، انا لو بسمع الناس اللي هي عاوزة تسمعه كان زماني قاعد في بيتنا من زمان”.