لقاء سويدان: صديقتي اكتشفت خيانة زوجها بفضل أحد أدواري
أكدت الفنانة لقاء سويدان، على أن صديقتها اكتشفت تفاصيل خيانة زوجها بفضل دورها في مسلسل “ولاد تسعة”.
سردت “سويدان” قصة صديقتها من خلال منشور طرحته عبر حسابها الشخصي على موقع “فيس بوك” وكتبت فيه الآتي: “صاحبتي كلمتني تشكرني من شوية علي خطة جهنمية عملتها مع جوزها لما عرفت انه مصاحب وبيحب.. انا استغربت لأني مش بتاعت خطط، طلعت شخصية مني في مسلسل ولاد تسعة”.
نرشح لك: سمية الخشاب عن كليب “أوعدك”: عاوزة أرقص مصر كلها
تابعت: “المهم عملت ايه مني وقلدتها صاحبتي، سمعته بيكلم حد في التليفون وبيحب وكده فضلت تدور وراه وتخمن ودخلت على واتساب بتاعه عن طريق برنامج هاكر شافته علي تيك توك وشافت رسايل للبنت دي ولغيرها كمان، المهم خلت أخو صاحبتها يجيبلها خط وفضلت تبعتله مسدجات على أنها هاكر وتبعت صور من محادثات بينه وبين البنات دي وتبتذه وتهدده والراجل مبقاش بينام ومنهار لمراته تعرف (صاحبتي) وفضلت صاحبتي تبعتله رسايل من الشخص الوهمي وتهديدات بالفضايح وهو بره وحتى وهو جنبها في البيت تبعتله لما الراجل استوي وبقي ميخرجش من البيت غير معاها وهدايا وكلام حلو وحركات”.
أضافت: “بس (مني) في ولاد تسعة قلبت من جوزها ٧ مليون ومن الست ٢ مليون علشان صورتهم سوا، انا قلتلها كنتي عملتي كده ونقسم المكسب بما إن الفكرة جت مني، بس جوزها صعب عليها لأنه اتهز جدا وكان هيتجنن، كيد النسا مين قده لو جه علي حيط هده”.
مسلسل “ولاد تسعة” بطولة نيكول سابا، خالد سليم، خالد زكي، بيومي فؤاد، سهر الصايغ، هبة مجدي، ومن تأليف فداء الشندويلي، وإخراج أحمد شفيق.