شاهد.. نصيحة محمود سعد للأهالي عن تربية الأبناء
وجه الإعلامي محمود سعد، نصيحة للأهالي عن طريقة تربية أبنائهم.
قال “سعد” خلال فيديو نشره عبر قناته على “يوتيوب” ضمن سلسلة فيديوهات “ونس”: “اللي يساعد في الوقت اللي إحنا فيه ده لا فلوس ولا شهادات ولا كل الكلام ده، دلوقتي الولد بيروح الامتحان ومعاه تليفونه يعني معاه كل المعلومات، يعني منسألوش الحدث كذا كان سنة كام.. لأ نقوله لما حصل كذا كان المفروض يحصل ايه؟”.
نرشح لك:محمد سعد يوجه رسالة لـ دلال عبد العزيز
أضاف: “مفيش حاجة تشغل دماغ الأولاد غير إننا نخليهم يقروا كتير، البني آدم كل ما يبص حواليه يكتشف إنه أهم حاجة إن الواحد يفهم كويس.. لازم نتعلم منضيعش وقتنا لأن الحياة صغيرة جدا، ولو حسبناها من غير النوم وخلافه هتلاقي الحياة عبارة عن 10 أو 15 سنة بالكتير”.
أردف أنه يجب أن يهتم الأهالي بتعليم أولادهم تراث بلدهم والحفاظ عليه وعدم الاعتماد في احتياجاتهم على ما ينتجه الغرب من أفكار، وطلب من متابعيه إخباره عن طريقة تربيتهم لأولادهم.