محمد مهران: أصولي الصعيدية ساعدتني في "نسل الأغراب"
علق الفنان محمد مهران على مشاركته في مسلسل “نسل الأغراب” وتجسيده شخصية صعيدي، وقال إن الممثل عندما يتم اختياره لتجسيد دور بعيد عن شكله أو بعيد عن الشكل الذي اعتاد أن يراه الجمهور عليه، فإن ذلك يسعده لأنه يظهر بأداء جديد.
تابع “مهران” خلال لقائه مع برنامج “عيش صباحك” على إذاعة نجوم أف أم، ويقدمه الإعلامي يوسف التهامي والإعلامية فانا إمام: “أنا أصولي من سوهاج، جدتي اللي اتربيت معاها هي من سوهاج وكانت متمسكة باللكنة الصعيدي ومكنتش بتتكلم قاهري”.
نرشح لك: محمد مهران: تقديم 3 أعمال رمضانية مرهق و”نسل الأغراب” كان الأصعب
استكمل: “وعشت معاها بقى عمر يعني، جدتي بعد وفاة والدتي دي اللي أنا عشت معاها، وهي اللي ربتني، علشان كده فيه بعض التعبيرات مكنتش جديدة عليا علشان لساني ينطقها، وطبعا أستاذ عبد النبي الهواري مصحح اللهجة معانا في المسلسل بذل مجهود مع كل الشخصيات إن يطلع النطق بشكل سليم، كنا ممكن نعيد لو حرف اتنطق غلط”.
وحول دور أصوله الصعيدية في مساعدته لتجسيد شخصيته في المسلسل، قال: “أكيد ساعدت إن فيه كلام مش جديد على ودني علشان لساني ينطقه، ساعدت كتير، والدراما كانت مختلفة طبعا بس لا مقدرش أقول إنها ماساعدتنيش”.
View this post on Instagram
يشار إلى أن مسلسل “نسل الأغراب” بطولة أحمد السقا وأمير كرارة وفردوس عبد الحميد ومي عمر ونجلاء بدر ودياب وأحمد مالك وريم سامي وهدير عبد الناصر، وهو من تأليف وإخراج محمد سامي، وإنتاج سينرجي.