موسى يهاجم عمرو دياب: هتقف مع مصر إمتى؟
انتقد الإعلامي أحمد موسى عدم مشاركة الفنان عمرو دياب في حفل افتتاح قناة السويس الجديدة، يوم الخميس المقبل، قائلًا: ” أنا بحب عمرو دياب وبقدره، أين هو من احتفالاتنا بقناة السويس، كان نفسي ألاقيه عامل أغنية وطنية زي فنانين كتير، حتى لو مش هيشارك بأغنية، لازم يكون موجود مع الفنانين، لو مش هيقف مع مصر دلوقتي هيقف إمتي؟”.
وتابع “موسى” خلال برنامجه “على مسئوليتي”، المذاع عبر فضائية “صدى البلد”: “اللي عمل فلوس من البلد وخير البلد عليه لازم يقف معاها، مش لازم أخد فلوس، مرة أعمل من غير ما أقول هات، نتنازل عن الشخصية والأنا، إيه المشكلة لما يظهر كعمرو دياب وسط 100 فنان، من غير بلدك وناسك وأهلك ولا حد يسوى حاجة”.