بالصوت.. أول رد لـ شيرين على المكالمة المنسوبة لوالد زوجها

علقت الفنانة شيرين عبد الوهاب على أزمة التسريب المنسوب لوالد زوجها الفنان حسام حبيب، بشأن الزواج عليها وسرقة أموالها.

نشرت “شيرين” عبر حسابها الشخصي على موقع التدوينات القصيرة تويتر، مقطع صوتي، قالت خلاله: “عايزة اطمن كل الناس اللي بتحبني، كل الناس الكويسين، إن أنا بخير، مفيش أي نوع من أنواع الخطر عليا أو على حياتي، بالنسبة للي حصل واحتاج إن أنا ارد عليه، مش هينفع ارد عليه في كلمتين”.

نرشح لك: القصة الكاملة للتسجيلات المسربة عن خطط حسام حبيب.. الجرس تؤكد ووالده ينفي

 

تابعت: “اسمحولي إن أنا أقولكم إن حسام جوزي اللي أنا معشراه، ده إنسان من أنضف رجال الدنيا، وإنسان محترم ومتربي وبيحبني أكتر من نفسه وميستاهلش أبدا أبدا منكم كم القسوة ده بس أنا مدياكوا العذر علشان أنتوا متعرفهوش، بس عايزة اقولكوا إن الراجل اللي ربنا حاطه في طريقي في الوقت ده، في وقت أنا كنت فيه متكسرة ومتدمرة هو بنى لي شخصيتي وخلاني بقيت بعرف اتكلم ورجع لنفسي تاني الثقة، حسام ربنا هو اللي بعتهولي، فربنا مبيعمليش حاجة وحشة”.

استكملت: “حسام بيحبنا أكتر من نفسه أنا وبناتي، ده دليل إنه من ساعة ما اتجوزني ماستفدش اي حاجة ومعملش لنفسه أي حاجة، وهو بس عايش علشان يخاف عليا وعلى عيالي من كل شيء، وبالنسبة لحاجات كتيرة مش المفروض أرد عليها لكن أنا عايزة أقول كمان إن الست حماتي اللي ربت راجل أخلاقه عاملة كده لازم تكون ست عظيمة، فحسام إنسان عظيم وأمه ست عظيمة ويتمنى منكم إن انتو تدعولنا بالذرية الصالحة وبقولكم مفيش أي حاجة من دي خالص حسام إنسان نقي ونضيف وربنا هو اللي بعتهولي”.

أردفت: “ومفيش توكيلات باسمه والفيز بتاعتي مش معاه وكل الكلام ده مش مظبوط لأني أنا كلي كده بتاعته، وفيز إيه وتوكيل إيه وكمان أنا جوزي راجل متأصل وابن ناس وابن عيلة محترمة قوي، ومقبلش كمان إن حد يتكلم عنه كده لا هو ولا أمه، حسام راجل مفيش منه خلاص، الناس اللي زيه مبقوش موجودين، وخلي الناس تفهم كده بالعقل، إحنا بقالنا 4 سنين متجوزين، لو كان فعلا راجل عايز يستفيد مني كان عمل حتى غنوة سنجل لنفسه، لكن الناس لازم برضو يبقى عندها عقل وتشوف”.

اختتمت: “الراجل صايني وصاين عيالي، كل الناس بتتخانق، ايه يعني، كل الناس بتختلف، لكن هو بيحبني أكتر من نفسه، يا جماعة أنا حاسة، أنا ربنا مديني مؤشر وقلب أنا حاسة إنه بيحبني وحاسة معاه بالأمان، بعدين حسام مضرنيش حسام فادني كفاية إنه طلع من حياتي كل الناس اللي كانت يتستغلني بجد، طلعهم، كل التعابين اللي كانت في حياتي كل الحاجات الفاسدة”.

شيرين عبد الوهاب

أزمة التسريب المنسوب لوالد حسام حبيب أول رد لـ شيرين على المكالمة المنسوبة لوالد زوجها حسام حبيب رئيسية شيرين على المكالمة المنسوبة لوالد زوجها