عمرو أديب عن التسجيل الصوتي لشيرين: الأزمة مخلصتش
علق الإعلامي عمرو أديب على التسجيل الصوتي للفنانة شيرين عبد الوهاب التي نفت خلاله التسريب المنسوب لوالد زوجها الفنان حسام حبيب، بشأن الزواج عليها وسرقة أموالها، ودافعت عن زوجها، وقال: “كان في اتصال مع شيرين وقالت انا مكتفية بالتسجيل، الراجل ده أنا مأمناه على حياتي وعلى عيالي، الكلام ده كلام فارغ”.
تابع “أديب” خلال برنامج “الحكاية” المذاع على شاشة MBC مصر: “ده شيرين اللي قالتهولي أنا، أنا بقول لحضراتكم كلام بيني وبينها، قالتلي هذا الأمر غير صحيح”.
نرشح لك: بالصوت.. أول رد لـ شيرين على المكالمة المنسوبة لوالد زوجها
استكمل: “لكن طبعا الأمر مخلصش، الأمر مخلصش، وواضح إنه هيبقى له تداعيات الأيام القادمة، لأن ناس كتير بدأت تعلق طيب وهي ردت على الكلام ده بس مردتش على الكلام ده، يعني هي ردت على الكلام بتاع التوكيلات وإن هو واخد الفيزا بتاعتها، يا جماعة إحنا في عصر صعب جدا يبقى فيه حد واخد الفيزا بتاعة حد، وقالت ادعولنا ربنا يرزقنا الخلفة الصالحة، فهي ردت على كل الحاجات اللي اتقالت في التسريب الصوتي اللي إحنا منعرفش إذا كان حقيقي ولا لا لغاية دلوقتى”.
أردف: “طبعا الناس اللي منزلة هذا التسريب بتقول إن هي هتروح المحكمة وهتطلع بصمة الصوت وهيثبتوا إذا كان هو ولا لا، ولكن شيرين في موقف صعب، محدش فنان بالحجم ده والشهرة دي يحب يتحط في الموقف ده، إن شاء الله بقوتها وبحب زوجها ليها تقدر تعبر هذا الموقف وتقدر إن هي تكمل حياتها”.
التسجيل الكامل لرد شيرين عبد الوهاب على الإتهامات المنسوبة لزوجها حسام حبيب
View this post on Instagram