قدموا الدعم في أزمتها الأخيرة.. شيرين عبد الوهاب تشكر 11 فنانا

شاركت الفنانة شيرين عبد الوهاب، الجمهور بتدوينة وجهت من خلالها الشكر لـ 11 فنانا قدم لها الدعم في أزمتها الأخير بشأن التسجيل الصوتي المنسوب لوالد زوجها الفنان حسام حبيب.

نشرت “عبد الوهاب” التدوينة عبر حسابها الشخصي على موقع “تويتر” وكتبت فيها الآتي: “أحب أشكر عيلتي الكبيرة من فنانين الوطن العربي على دعمهم ليا ولحسام وحبهم.. اخواتي وزملائي وأساتذتي، ربنا يخليكوا ليا”.

نرشح لك: نبيلة عبيد عن شيرين عبد الوهاب: سيبوها بس تغني

 

وأوضحت أن الـ 11 فنانا هم كالآتي: “نوال الزغبي، أنغام، شيريهان، إنجي وجدان، فيفي عبده، درة، حورية فرغلي، أحمد فلوكس، شيماء سيف، رانيا محمود ياسين، مصطفى درويش”.

 

يشار إلى أن شيرين عبد الوهاب، كان قد ردت على التسجيل الصوتي المنسوب لوالد زوجها، قائلة: “عايزة اطمن كل الناس اللي بتحبني، كل الناس الكويسين، إن أنا بخير، مفيش أي نوع من أنواع الخطر عليا أو على حياتي، بالنسبة للي حصل واحتاج إن أنا أرد عليه، مش هينفع ارد عليه في كلمتين”.

تابعت: “اسمحولي إن أنا أقولكم إن حسام جوزي اللي أنا معشراه، ده إنسان من أنضف رجال الدنيا، وإنسان محترم ومتربي وبيحبني أكتر من نفسه وميستاهلش أبدا أبدا منكم كم القسوة ده بس أنا مدياكوا العذر علشان أنتوا متعرفهوش، بس عايزة اقولكوا إن الراجل اللي ربنا حاطه في طريقي في الوقت ده، في وقت أنا كنت فيه متكسرة ومتدمرة هو بنى لي شخصيتي وخلاني بقيت بعرف اتكلم ورجع لنفسي تاني الثقة، حسام ربنا هو اللي بعتهولي، فربنا مبيعمليش حاجة وحشة”.

استكملت: “حسام بيحبنا أكتر من نفسه أنا وبناتي، ده دليل إنه من ساعة ما اتجوزني ماستفدش اي حاجة ومعملش لنفسه أي حاجة، وهو بس عايش علشان يخاف عليا وعلى عيالي من كل شيء، وبالنسبة لحاجات كتيرة مش المفروض أرد عليها لكن أنا عايزة أقول كمان إن الست حماتي اللي ربت راجل أخلاقه عاملة كده لازم تكون ست عظيمة، فحسام إنسان عظيم وأمه ست عظيمة ويتمنى منكم إن انتو تدعولنا بالذرية الصالحة وبقولكم مفيش أي حاجة من دي خالص حسام إنسان نقي ونضيف وربنا هو اللي بعتهولي”.

أحمد فلوكس أنغام إنجي وجدان تويتر حورية فرغلي درة رئيسية رانيا محمود ياسين شيرين عبد الوهاب شيريهان شيماء سيف فيفي عبده مصطفى درويش نوال الزغبي