شيرين عبد الوهاب تبكي مع عمرو أديب

علقت الفنانة شيرين عبد الوهاب، على الأزمة الأخيرة التي تعرضت لها بشأن التسجيل المنسوب لوالد زوجها الفنان حسام حبيب.

قالت “عبد الوهاب” خلال مداخلة هاتفية بحلقة مساء الجمعة من برنامج “الحكاية” الذي يقدمه الإعلامي عمرو أديب عبر شاشة MBC مصر، إنها تعرضت للكثير من الأذى على مدار السنوات الماضية.

نرشح لك: بسبب أزمتها الأخير.. رسالة مؤثرة من أصالة لـ شيرين عبد الوهاب

وأثناء حديثها، لم تستطع أن تتمالك نفسها وانهارت من البكاء، وقالت: “اتأذيت كتير عاوزة اتبسط في حياتي”.

فيما لفتت إلى أنها سعيدة وممتنة للغاية لكل من وقف بجانبها وساندها من أصدقائها وبعض الفنانين.

يشار إلى أن شيرين عبد الوهاب، كان قد ردت على التسجيل الصوتي المنسوب لوالد زوجها، قائلة: “عايزة اطمن كل الناس اللي بتحبني، كل الناس الكويسين، إن أنا بخير، مفيش أي نوع من أنواع الخطر عليا أو على حياتي، بالنسبة للي حصل واحتاج إن أنا أرد عليه، مش هينفع ارد عليه في كلمتين”.

تابعت: “اسمحولي إن أنا أقولكم إن حسام جوزي اللي أنا معشراه، ده إنسان من أنضف رجال الدنيا، وإنسان محترم ومتربي وبيحبني أكتر من نفسه وميستاهلش أبدا أبدا منكم كم القسوة ده بس أنا مدياكوا العذر علشان أنتوا متعرفهوش، بس عايزة اقولكوا إن الراجل اللي ربنا حاطه في طريقي في الوقت ده، في وقت أنا كنت فيه متكسرة ومتدمرة هو بنى لي شخصيتي وخلاني بقيت بعرف اتكلم ورجع لنفسي تاني الثقة، حسام ربنا هو اللي بعتهولي، فربنا مبيعمليش حاجة وحشة”.

استكملت: “حسام بيحبنا أكتر من نفسه أنا وبناتي، ده دليل إنه من ساعة ما اتجوزني ماستفدش اي حاجة ومعملش لنفسه أي حاجة، وهو بس عايش علشان يخاف عليا وعلى عيالي من كل شيء، وبالنسبة لحاجات كتيرة مش المفروض أرد عليها لكن أنا عايزة أقول كمان إن الست حماتي اللي ربت راجل أخلاقه عاملة كده لازم تكون ست عظيمة، فحسام إنسان عظيم وأمه ست عظيمة ويتمنى منكم إن انتو تدعولنا بالذرية الصالحة وبقولكم مفيش أي حاجة من دي خالص حسام إنسان نقي ونضيف وربنا هو اللي بعتهولي”.