داعية يوضح حكم وظيفة اليوتيوبر
أوضح الداعية عويضة عثمان، أمين الفتوى بدار الإفتاء المصرية، حكم العمل من خلال تقديم مقاطع فيديو على موقع يوتيوب، لتوسيع الرزق، ولكن محتواها غير مفيد للجمهور.
حيث سألت إحدى المشاهدات: “أنا وأختي عاملين قناة على يوتيوب، القناة منوعات تشمل طبخ وتحديات من باب توسيع الرزق، عايزة أعرف حكمها ايه، لأن نفسيتي بتبقى تعبانة، لأني حاسة إني مش بقدم حاجة مفيدة للناس، بس الناس بتحب كده”.
نرشح لك: الإفتاء توضح مقدار نفقة المتعة في القرآن الكريم
أجاب “عثمان” خلال لقائه في برنامج “الدنيا بخير” المذاع على شاشة الحياة وتقدمه الإعلامية لمياء فهمي، أنه طالما أن الأمر ليس به أي شيء خادش للحياء أو يشين الأخلاق أو يدعو إلى حرام، فلا يوجد مشكلة.
تابع: “سواء طبخ، أو ليصور نفسه وهو بيطبخ، هزار أو ضحك.. كل ده في حدود الأدب والأخلاق، لا يخدش حياء لا يضيع مبادئ وعادات وتقاليد المجتمع اللي هو عايش فيه، كل ده طالما إن هو محافظ عليه، يبقى مفيش أي حاجة إن شاء الله”.