وزير التعليم: اللي اخترع شائعة سؤال جمع "حليب" مدفوعله فلوس
علق الدكتور طارق شوقي، وزير التربية والتعليم والتعليم الفني، على تداول شائعة عن وجود سؤالين مضمونهما “جمع حليب وجمع أخطبوط”، بامتحان اللغة العربية بشهادة الثانوية العامة، اليوم السبت.
نفى “شوقي” خلال مداخلة هاتفية مع برنامج “الحكاية” المذاع على شاشة MBC مصر، ويقدمه الإعلامي عمرو أديب، وجود سؤال عن جمع كلمتي حليب أو أخطبوط بامتحان اللغة العربية.
نرشح لك: جمع “حليب”.. سؤال لم يأتِ بامتحان الثانوية العامة
تابع: “نسأل نفسنا مين اللي بيعمل الشوشرة اللي إحنا شايفنها بما إنه بيخترع أسئلة علشان يصدر للرأي العام الصورة دي، وعلى فكرة أول يوم امتحانات السنة اللي فاتت تم رصد جهات خارجية بتعمل كده بالظبط بتصور تزاحم الأهالي في أول يوم وبتصور غش جماعي، لما مسكنا الغش الجماعي، طلع إن المدرسة حد دفعلها فلوس علشان تاخد الصورة دي”.
استكمل: “اللي اخترع كلمة حليب ده حد مدفوعله فلوس علشان يعمل كده ويروج هذا الانطباع، والبلبلة في السوشيال ميديا بترعب الأهالي”