كلمات أغنية "مش تمثال" لـ تامر حسني
محمد عبد المنعم
طرح الفنان تامر حسني، فيديو كليب أغنية “مش تمثال” التي غناها ضمن مشاهد فيلم “مش أنا” الذي يعرض حاليا بالسينمات، عبر قناته الرسمية على موقع “يوتيوب”.
أغنية “مش تمثال” من كلمات محمد الأياتي، ألحان محمد حمزة، توزيع أمين نبيل.
نرشح لك: تامر حسني: كنت بسمع كلام مُهين واستحملت عشان حلمي
وجاءت كلمات الأغنية كالآتي:
يمكن كلامك لسه مش مفهوم
وده أمر محبط بس مش هيدوم
امسك وتبت في اللي نفسك فيه وثبت قبلك
واتعلم انك لما تقع لازم تقوم
طول ما انت مش تمثال عافر يمين وشمال
ده احنا في زمن صعب وملوش غير عند واستقتال
شوف قيمة الموجود اصرخ قول انا موجود
ده الحلم قادر يشحنك ويوقفك مسنود
ممنوع تخاف أو تتهزم ممنوع
علشان مفيش للي ابتديته رجوع
طول ما اتكتبلك تحلم احلم وانت أولى بحلمك
واللي بيحلم لا بيضعف ولا يعرف خضوع
طول ما انت مش تمثال عافر يمين وشمال
ده احنا في زمان صعب وملوش غير عند واستقتال
شوف قيمة الموجود اصرخ قول انا موجود
ده الحلم قادر يشحنك ويوقفك مسنود
أغنية مش تمثال
يشار إلى أن فيلم “مش أنا” حقق إيرادات مرتفعة منذ طرحه بدور العرض، والفيلم بطولة تامر حسني، وسوسن بدر، وماجد الكدواني، وحلا شيحة، ومن إخراج سارة وفيق.
وكان تامر حسني، قد نشر في وقت سابق مقطع فيديو له مع جمهور فيلم “مش أنا”، داخل إحدى دور العرض، عبر حسابه على موقع تبادل الصور والفيديوهات “إنستجرام” وعلق عليه كاتبًا: “يوم مُفاجئ وحلو مع أحلى الناس، ولتلبية طلباتكم إن شاء الله هعمل زيارات لسينمات كتير الأيام الجايه يعني توقع في أي لحظة هتلاقيني قاعد جنبك في السينما يامعلم.. ومش في القاهره بس”.
فيما نشر “حسني” بعدها بعدة أيام ببيان أعلن من خلاله أن فيلمه “مش أنا” حقق إيرادات غير مسبوقة في تاريخ السينما المصرية، وأن الفيلم تخطى كل المقاييس وكتب فيه الآتي: “تعلن شركة ان ستارز المسئولة عن توزيع الأفلام العربية للعالم بأن النجم تامر حسني تخطى كل المقاييس بفيلمه الجديد (مش أنا) الذي قام بتأليفه وكتابة السيناريو والحوار، حيث وصل مجموعة إيرادات الفيلم في أسبوعه الثاني إلى مائة واحدى عشر مليون جنيه مصري ويعد هذا الرقم تاريخي واستثنائي وغير مسبوق منذ نشأة السينما المصرية والعربية”.
وعلق على البيان الذي نشره كاتبًا: “مساء الورد على أغلى الناس زي ما اتفقنا هعرفكوا أخبار فيلم (مش انا) كل أسبوع.
تابع: “الحمد لله في الأسبوع التاني يحقق أيضاً المركز الأول في مصر وجميع الدول العربية بمجموع إيرادات ما يعادل ١١١ مليون جنيه مصرياً رغم تقليل شاشات عرضه منذ يومين لإتاحة الفرص لأفلام أخرى (وكل التوفيق لزملائي) ورغم إصداره مع نسبة إشغال ٥٠٪ التي أصبحت ٧٠٪ منذ يومين، وجميعها مؤشرات صحية للفيلم وللصناعة بشكل عام، كل الفخر والشرف لما حققه فيلم مش أنا بفضل الله ومجهود زملائي الفنانين وجميع صناع العمل شكراً للمهندس محمد ناقرو الموزع الدولي والعالمي للأفلام العربية إشادتك شرف كبير ليا”.
من محمد صلاح لهنيدي والسقا.. غرائب وطرائف فوبيا المشاهير.. مانجا وحشرات وشموع!
