داعية يرد على جملة "بمقاييس ربنا لم ولن ننجح" لـ حلا شيحة
علق الداعية أحمد الطلحي، على تبرأ الفنانة حلا شيحة من فيلم “مش أنا”، من خلال بوست كتبته عبر حسابها على موقع تبادل الصور والفيديوهات “إنستجرام”، ذكرت فيه: “بمقاييس ربنا لم ولن ننجح”.
قال “الطلحي” خلال حلوله ضيفا على برنامج “آخر النهار“، مساء الجمعة، مع الإعلامي محمد الباز، والمذاع عبر شاشة “النهار”، إنه لديه إشكالية في استخدام “لم ولن” كمصطلح في البوست الذي ذكرته رغم احترامه لشخصها.
نرشح لك: “الشجعان اللي زيك بيراجعوا نفسهم”… رسالة معز مسعود لـ حلا شيحة
تابع: “لم في الماضي، ولن في المستقبل وكأنها تعلم الغيب، الله سبحانه وتعالى أطلعك على أن هؤلاء لن ينجحوا! فالنبي (ص) قال فيما معناه لو كل الناس هلكوا فهو من هلك”.
أضاف: “من الذي يتألى على الله عز وجل، فربما معصية أوردت ذلا وانكسارا، الانكسار عند الله عز وجل خير من صاحب طاعة يعتز بها على نفسه، الإنسان مهما بلغ من طاعة الله يكون منكسرا له”.
كانت الفنانة حلا شيحة، هاجمت فيديو كليب “بحبك” الذي طرحه الفنان تامر حسني وتظهر فيه بمشاهد من فيلمهما الجديد “مش أنا” مؤكدة على أنها فوجئت بطرح الكليب رغم وعد تامر لها وتأكيده احترام رغبتها.
كتبت حلا عبر حسابها على انستجرام تقول “أنا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه ..و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي ..احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح، انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح”.
أضافت “بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى ..انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا”.
واستطردت “الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن، احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا، شوفه تاني يمكن يفكرك ان جواك اكيد في صراع و انا و كلنا” ووضع مقطع لرابط حوار مع تامر حسني عبر شاشة قناة دريم.
وأضافت “كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد”.
#حلاشيحة بين الزواج والحجاب والتمثيل.. لماذا تبرأت من فيلم #تامرحسني؟!
