"أنا صغيرة لسه".. أسما شريف منير: لا أرفض الارتباط مرة أخرى
تحدثت الإعلامية وخبيرة التجميل أسما شريف منير عن فكرة الارتباط مرة أخرى بعد انفصالها مؤخرا عن الفنان محمود حجازي، موضحة أنها لا تمانع حدوث ذلك خاصة أنها ما زالت صغيرة في السن.
أضافت أسما خلال لقائها مع قناة صدى البلد، أنها حتى الآن لم تدخل في تجربة ارتباط جديدة، موضحة أنها تركز حاليا في عملها، مستطردة: “عايزة أكون واقفة على رجلي وألم نفسي وأجمد وأستقر وبعد كده لو حصل إن فيه نصيب طبعا.. الناس بتقولي خلاص بقا اقعدي ربي بنتك.. لا مفيش حاجة اسمها كده أنا صغيرة لسه وأتمنى إن يكون لسه قدامي وقت في الحياة.. لو ده حصل أحب إني أشاركه مع حد.. ده ستر وشيء ربنا حلله ومفيش حاجة غلط ولا عيب ومش بالمرات وأتمنى أتوفق في المرة الجاية.. لكن دلوقتي مفيش حاجة”.
نرشح لك: أسما شريف منير تحذف صور عطلتها الصيفية وتنصح الفتيات
من جهة أخرى، رفضت أسما شريف منير الإفصاح عن سبب انفصالها عن محمود حجازي، قائلة: “فيه طرف تاني في الموضوع لازم احترم خصوصيته، بس انا بحترم فضول الناس”.
على صعيد آخر، كانت أسما شريف منير قد حذفت بعض الصور التي نشرتها من عطلتها الصيفية مؤخرا، موضحة أنها قررت أت تكون ملابسها مختلفة ومعتدلة في الفترة المقبلة.
كتبت أسما عبر حسابها على إنستجرام: “مسحت الصورة اللي فاتت وقلت انزل دي بس عشان ساعات شيطاني بيغلبني زي باقي البشر، وساعات بحس بالذات بعد ما خسيت إني عايزه البس لبس حلو وبناتي كده وافرح إني بقى شكله حلو عليا.. بس الصح صح مش هقاوح، أنا أصلا مش بحب البس لبس مكشوف في العادي بس انجرفت ورا الدنيا اللي مش باقيه، فهقاوم الإحساس ده وهركز مع نفسي وفي لبسي أكتر وهحاول أنقي لبس يكون معتدل وحلو”.
تابعت: “عشان أشجع نفسي والبنات اللي بتابعني إنهم يلبسوا لبس حلو وفي نفس الوقت مش مفتوح، مش عيب إن الواحد يعترف بغلطه وطول الوقت يحاول إنه يبقى أحسن، وبشكر المتابعين اللي لفتوا نظري بطريقة ذوق.. كل سنة وأنتم طيبين وحبايبي ودعمي، ربنا يفرح قلبنا كلنا ويهدينا.. بحبكم”.