12 تصريحا لـ منة فضالي.. أبرزها عن الزواج والحجاب وأزمة حلا شيحة
حلت الفنانة منة فضالي ضيفة على برنامج “مع الفارس”، الذي يقدمه الإعلامي نزار الفارس، عبر قناة “الرشيد”، وتحدثت عن حياتها الشخصية ورأيها في العديد من الأزمات التي شهدتها الساحة الفنية مؤخرا.
فيما يلي أبرز تصريحات منة فضالي خلال اللقاء..
1- أنا مستعدة للزواج حاليا، لا يوجد مانع “بس مبحبش حد يقولي اعملي كذا ومتعمليش كذا، زي اتحجبي أو سيبي الشغل وهكذا”.
2- أرفض القبلات في أعمالي الفنية.. “معملتهاش ومش هعملها، كلامي مش إساءة لحد من زميلاتي، يمكن بفكر يطريقة تانية غيرهم، بس أنا مبحبش اطلع أعمل كده على الشاشة”.
نرشح لك: وصفتها بـ”معرفهاش”.. منة فضالي تنتقد الهجوم عليها بسبب ياسمين عبد العزيز
3- عمري 38 عاما، ولم أفكر في تجميد بويضاتي حتى لا تضيع فرصي في الإنجاب، أنا ما زلت صغيرة ولا أحتاج لذلك الآن.
4- لا أمانع الزواج من داعية إسلامي.. ” ممكن أحب داعية إسلامي.. ليه لأ، لما بترتبط ببني آدم أنت مش بتحدد هتحب مين، إنت بتلاقي نفسك بتحب وخلاص.. بس عموما مش هاخد حد أصغر مني، لازم أكبر مني في السن أو على الأقل قدي”.
5- أواظب على تأدية فروض الصلاة الخمسة في مواعيدها، وحين زرت الكعبة نسيت كل الأدعية التي كنت قد أعددتها، نسيتها جميعا عندما رأيت الكعبة.
6- الحجاب فرض، ولست ضده أبدا، ولا أعلم متى سأرتديه، وهل سأرتديه أم لا.. “ولكن عشان ألبسه مش هينفع أقلعه تاني، وبعدين أنا بمثل دلوقت، لكن حتى لو الحجاب مش حلو عليّ، مسيري يجي يوم وألبسه”.
7- حلا شيحة تسرعت في خلع الحجاب.. “هي حرة في قرارها، لكن أنا ضد إن إنسان يلبس الحجاب ويقرر يبعد عن الفن ويقفل حياته على الدين وفق الشريعة، وبعدين يقلعه ويرجع، ده يا يبقى مش مقتنع من جواه يا إما مش مهتدي من جواه.. ممكن تكون اتسرعت”.
8- لا أعلم معنى الاغتصاب الزوجي، لكن في كل الأحوال لا يصح الحديث عن علاقة الزوج والزوجة على الملأ، وعبر مواقع التواصل الاجتماعي.
9- ياسمين صبري امرأة جميلة لكن تمثيلها ضعيف.. “ست جميلة بس ممثلة ضعيفة، محتاجة تشتغل على نفسها، الحلاوة مش كل حاجة، آه شكلها حلو زي القمر، لكن ضعيفة في التمثيل.. وعموما دلوقت الناس تقدر تشتري الشهرة والفلولوز عادي”.
10- لا أظهر في التلفزيون بالمايوه رغم ارتدائي له في حياتي العادية.. “أنا بلبس اللي عاوزاه في المكان المناسب، يعني بلبس مايوه في حياتي الشخصية ولكن لا يمكن أطلع بيه في التليفزيون.. مبطلعش بقميص نوم في التليفزيون بس بلبسه في حياتي الشخصية عادي وهكذا”.
11- ليس لدي أصدقاء في الوسط الفني، لدي زملاء فقط، لا أثق في أي شخص حاليا على الإطلاق.. أقرب صديق ليا الكلب بتاعي، صداقة الكلب تغنيني عن صداقة الإنسان.. الناس غدارين.
12- تقاضيت 50 ألف جنيه عن دوري في مسلسل “الملك فاروق”، وأقل أجر حصلت عليه 200 جنيه.. “أنا ميهمنيش الفلوس خالص”.