صابرين: "اللي حلا شيحة عملته أوفر"
قالت الفنانة صابرين، إن موقف حلا شيحة من الحجاب “مريب” بالنسبة لها، إذ أنها شاهدتها بالنقاب والحجاب في عدة مناسبات.
أشارت صابرين في لقاء خلال برنامج “كلمة أخيرة“، الذي تقدمه الإعلامية لميس الحديدي، مساء الثلاثاء على قناة “ON”، إلى أنها شعرت من موقفها الأخير أنه يوجد شيء خاطئ.
نرشح لك: صابرين لمنتقدي خلعها الحجاب: “للي هينزل معايا القبر يحاسبني”
تابعت: “خلاص أنتي عملتي حاجة وخدتي خطوة، اللي بعد كده بقى، هي ممكن تكون حلا اتخبطت والتمثيل نسيته شوية”. مؤكدة على أن كل شخص قد يمر بفترة من “التخبط” في حياته.
أضافت: “اللي حلا عملته شوفته اوفر شوية، وأكتر حاجة أزعجتني علاقتها مع باباها، هي بني آدمة وحرة تعمل اللي هي عايزاه، بس اللي معجبنيش الأب، لأن الأب والأم خط ملتهب مينفعش”.
في سياق آخر، قالت الفنانة صابرين، إنها عندما قررت ارتداء الحجاب كانت مؤمنة بتلك الخطوة جدا، مردفة: “كنت كمان في لحظات لخبطة”.
أشارت إلى أن تلك الخطوة كانت بمثابة عزوف عن الدنيا والتمثيل، مضيفة: “وكان في حالة انفصال في البيت ولخبطة”.
تابعت: “أهم حاجة الواحد يعمل الشيء بصدق وميكونش حد رغمك على حاجة، وقت ما قررت أفك الحجاب حسيت إني لا بعمل الصح قوي ولا الغلط قوي، فقولت ليه أنا بوشين! ومواربة باب الباروكة والناس تهاجمني عليها؟!”.
أردفت: “حسيت يعني إيه لو كسبت العالم وخسرت نفسي، وفي لحظة من اللحظات حسيت حابة شكلي كده أكتر وحابة أبقى مش فيك، في تصالح ورضا. يعني محدش بيسألني أنتي صليتي ولا صومتي، لكن محدش يعرف واجباتك اللي في السر قوي ودي أسمى العلاقات بينك وبين اللي خلقك”.
أضافت: “عشان كده بقول يا جماعة اللي هينزل في القبر معايا هو اللي يحاسبني، في ناس بتبقى حابة تنصحك على السوشيال ميديا بطريقة لذيذة بتقبل دا ومبزعلش منه، لكن في ناس بتهاجم”.
لفتت إلى أن العبرة بالخواتيم، مشيرة إلى أنها منذ ارتدائها “الباروكة” بعد خلع الحجاب وبدأت تتلقى الهجوم من الجمهور، مردفة: “حسيت اللقب بتاعي هيبقى صابرين أم باروكة”.