دينا نجم: الطفل سليم هدية ربنا لـ مسلسل "ليه لأ 2"
دنيا شمعة ـ تكتب عن مسلسل ليه لأ 2
قالت السيناريست دينا نجم، صاحبة فكرة مسلسل “ليه لأ 2″، إن اختيار الطفل سليم مصطفى للمشاركة في بطولة المسلسل كان بمثابة هدية للمسلسل.
تابعت “نجم” خلال حوارها مع “إعلام دوت كوم” أن المخرجة مريم أبو عوف كانت تتابع مع ورشة الكتابة دائما آخر تحديثات اختياراتها للممثلين المشاركين في المسلسل، معلقة: “مريم دورت كتير جدا وشافت أطفال كتير جدا وكانت تقولنا مش مقتنعة، لحد ما لقت سليم”.
نرشح لك: أحمد حاتم عن شخصيته في “ليه لأ 2”: صلاح عامل مشاكل في المسلسل
أردفت: “سليم من أهم مميزاته إنه طفل حقيقي وطفل برئ ودي حاجة إحنا بنفتقدها دلوقت لأن كل الناس بقت تتباهى إن عيالهم أكبر من سنهم.. لما شفنا يونس حسينا إنه هدية ربنا للمسلسل، فيه أطفال كتير حلوين بس مش كلهم موهوبين وهو موهوب أوي وكمان عنيه معبرة بشكل مش طبيعي”.
أضافت أن هناك العديد من الانتقادات التي سمعتها حول اختيار طفل حسن المظهر لأداء الدور، موضحة: “كانو بيقولوا اختاروا طفل شكله جاي من دار، الجملة دي كانت بتزعلني لأن أولا إزاي نحكم على طفل من شكله دي حاجة مؤذية جدا.. ومين قال أصلا إن الأطفال في دور الأيتام مختلفين عن باقي الأطفال”
“ليه لأ 2” بطولة منة شلبي وأحمد حاتم وسارة عبد الرحمن ومراد مكرم ومها أبو عوف وتامر نبيل ويارا جبران ودنيا ماهر وريم حجاب والطفل سليم مصطفى والطفلة منى أحمد زاهر، وتأليف ورشة سرد مريم نعوم، وإخراج مريم أبو عوف.