الرئيس: مشروعات العاصمة الإدارية والعلمين لم تمس فيها ميزانية الدولة
قال الرئيس عبد الفتاح السيسي، إن الدولة لم تدفع أي أموال على مشروعات العاصمة الإدارية الجديدة ومدينة العلمين من ميزانية الدولة.
أضاف الرئيس خلال افتتاح مشروعات سكنية بمدينة بدر: “عاملين حسابنا العاصمة تدخل البورصة في أقرب فرصة، بنتكلم على أموال سايلة بـ 100 مليار جنيه.. دي فكرة تانية خالص لإدارة قدراتنا ومشارعنا.. أصولها في البورصة هتوصل 3 أو 4 تريليون جنيه”.
نرشح لك: إطلاق اسم سمير غانم على كوبري بمحور محمد نجيب
أضاف: “حاولوا يشوشروا على الناس إن الدولة بتدفع فلوس، لكن إحنا بنعمل أفكار تحقق اللي إحنا عايزينا، العلمين والعاصمة الإدارية موازنة الدولة لم تمس فيها. إحنا ماسكين كل حاجة بإيدنا”.
في سياق آخر، كان الرئيس عبد الفتاح السيسي تحدث عن تنظيم أموال الدعم قائلا: “الدولة خصصت 275 مليار جنيه دعما في موازنة كل عام. مش هلغي الدعم يعني هنعيد تنظيمه، لازم أرتب ورق البلد دي حتى تكون بلد ذات شأن، بختار الطريق الصعب اوي”.
أردف: “الدعم في 3 سنين 3 تريليون جنيه.. الفلوس موجودة بس لازم تتوظف صح.. الناس استغربت قوي لما اتكلمت في رغيف العيش.
تحسين أحوال الناس مش إنفاق بس لكن ضبط، موارد الدولة زادت لكن حجم السكان زاد فزادت قيمة الإنفاق”.
تابع: “الحال اللي كنا فيه حال غير قابل للاستمرار في الدولة.. الأول الدعم كان بيتقدم لـ 30 مليون دلوقت بيتقدم لـ 70 مليون، الأعباء زادت على قيمة السلعة وحجم المستفدين، فدا كلام منقدرش نستمر فيه على طول مين يقدر على كده حتى لو أنا مبقتش موجود”.