أبرز تصريحات الرئيس خلال افتتاح مشروعات سكنية في مدينة بدر

مشروعات سكنية في مدينة بدر

افتتح الرئيس عبد الفتاح السيسي، صباح اليوم السبت، عدد من المشروعات السكنية في مدينة بدر، بحضور رئيس الوزراء مصطفى مدبولي وعدد من الوزراء.

تحدث الرئيس على هامش الافتتاح في عدد من الموضوعات الهامة، نرصد أبرزها فيما يلي:

نرشح لك: الرئيس: مشروعات العاصمة الإدارية والعلمين لم تمس فيها ميزانية الدولة

1- الدولة خصصت 275 مليار جنيه دعما في موازنة كل عام، ويحصل الدعم في 3 سنوات إلى 3 تريليون جنيه.

2- “مش هلغي الدعم هنعيد تنظيمه، لازم أرتب ورق البلد دي، حتى تكون بلد ذات شأن، بختار الطريق الصعب أوي”.

3- “الحكومة بتتعذب وهتتعذب معايا، وأي مسئول كده، عشان ظروف بلدنا كده، مش عشان إحنا عايزين نعذب الناس، إحنا من لا دولة إلى دولة”.

4- الدولة لن تفتتح مشروعات إسكان إلا كاملة التشطيب وتكون جاهزة للإسكان.

5- هدف الدولة حاليا ألا يكون هناك وحدات سكنية نصف تشطيب من أجل إتاحة فرص عمل.

6- الإعلام والإعلان عن أي سكن يتم الانتهاء منه بنسبة 30 %.. “مفيش إعلان بدون تنفيذ على أرض الواقع.. قولنا علشان نطمن الناس وإحنا مسئولين كدولة.. وإحنا مش بنتفرج.. الدولة بتنظم وتضبط حقوق الناس”.

7- نسعى في أقرب فرصة لدخول العاصمة الإدارية الجديدة في البورصة، “نتحدث عن أموال سائلة تصل لـ 100 مليار جنيه لشركة العاصمة الإدارية”.

8- “دي فكرة تانية خالص لإدارة قدراتنا ومواردنا والدولة مش هتدفع قرش.. وأتصور أنه خلال السنتين الجايين بعد طرحها في البورصة أصول الشركة تتجاوز 3 و 4 تريليون جنيه.. والكلام دا ينطبق على العلمين ومدن أخرى”.

9- “حاولوا يشوشروا على الناس إن الدولة بتدفع فلوس، لكن إحنا بنعمل أفكار تحقق اللي إحنا عايزينا، العلمين والعاصمة الإدارية موازنة الدولة لم تمس فيها. إحنا ماسكين كل حاجة بإيدنا”.