سعد الصغير عن إنقاذه طفلين من التشرد: "كان ممكن أكون مكانهم"

ياسمين شهاب
سعد الصغير عن إنقاذه طفلين

وجه الفنان سعد الصغير، رسالة شكر لجمهوره على رسائل التقدير التي وصلت له، عقب مساعدته لطفلين نائمين بالشارع بملابس مهترئة.

كتب “الصغير” على حسابه بموقع تبادل الصور والفيديوهات “إنستجرام”: “رسائل حضراتكم بشوفها والكومنتات بشوفها.. أعظم حاجة في الدنيا تساعد حد مش قادر كان الواحد ممكن في يوم من الأيام يكون مكان الناس دي وبجد الكلام من كل قلبي وربنا يعلم ما في القلب، حابب بس أشكر كل الناس إخواتي وأصحابي اللي دايما بيشجعوني وحضراتكم على فعل الخير دايما”.

نرشح لك: التقا بهما صدفة.. تفاصيل إنقاذ سعد الصغير لطفلين من التشرد

أضاف: “وده اللي الناس هتفتكر بيه مش أكتر، مفيش حاجة هتدوم كله هيمشي فـ بس قلت أصبح عليكم، ويا ريت أي حد يقدر يساعد أي حد غلبان محتاج بجد أو أي حالة يساعد، والله والله عن نفسي كل اللي الواحد في ده من كرم ربنا فقط أتمنى كلنا نحب بعض ونساعد بعض واللي معاه يساعد اللي مش معاه”.

 

كان الفنان سعد الصغير، وجد أثناء توجهه لشاطئ ميامي بالأسكندرية، طفلين نائمين بالشارع بملابس مهترئة فقرر التوجه لهما والتحدث معهما ليعرف سبب نومهما بالشارع.

قال له أحدهما خلال بث مباشر عبر صفحة سعد الصغير الرسمية على موقع التواصل الاجتماعي فيسبوك، إن والدته ووالده منفصلان، ووالدته متزوجة وتقيم بالقاهرة، كما أنه وشقيقه لا يستطيعان تأجير غرفة لأن الأمر يحتاج إلى بطاقة رقم قومي وشهادة ميلاد وهما لا يملكان أيا منهما.

كما أكد “الصغير” على عدم إظهار وجه الطفلين خلال البث المباشر، خوفا على حالتهما النفسية وعدم المتاجرة بهما، كما عرض عليهما أن يوفر لهما مكان إقامة في القاهرة وعمل واصطحبهما معه إلى الشاطيء واشترى لهما ملابس جديد.

وجه رسالة، قائلا: “خلاص دول بقوا زي محمد سعد الصغير ابني وبقوا عيالي ومتقلقيش عليهم تاني.. بس يا أم يحيى ولادك نايمين في الشارع اسألي عليهم”.

رئيسية سعد الصغير سعد الصغير عن إنقاذه طفلين طفلين نائمين بالشارع بملابس مهترئة ميامي بالأسكندرية