"أبو" عن زوجته: اتجوزنا عشان بنعرف نتخانق
بسملة سعودي
تحدث الفنان “أبو”، عن علاقته بزوجته نهال لهيطة، وبعض المواقف الطريفة التي مروا بها.
قال “أبو” خلال لقائه في برنامج “مساء dmc” الذي تقدمه الإعلامية “جاسمين طه”: “من الأسباب اللي خلتنا نتجوز إننا بنعرف نتخانق، يعني لما بنتخانق بيكون على حجم وقد الموضوع اللي بنختلف عليه ومفيش حد بيحاول ياخد الحكاية أكبر من حجمها، فبتبقي مناقشة أو اختلاف أكتر ما هي خناقة، وهي اللى بتصالحني في الآخر”.
نرشح لك: خالد سرحان عن المسرح: رد فعل الجمهور فيه بيبقى أسرع
أضاف أن فلسفة الاعتذار هي السر الحقيقي موضحا: “مرة كنا في الجونة وهي نسيت تحط بنطلون البدلة اللي كنت هلبسها في الحفلة واتأسفت، فخلاص الموقف حصل والخناق مش هيفيد دلوقتي فقولتلها خلاص يا حبيبتي ولا يهمك”.
يذكر أن الفنان أبو قد اشتهر بأغنية “٣ دقات” التي أحدثت ضجة ونالت إعجاب الكثيرين.