مها أحمد عن حفل إيهاب توفيق: كنت مشتاقة أسمع صوته
شاركت الفنانة مها أحمد، الجمهور بمقطع فيديو طريف ظهرت فيه بصحبة الفنان حمدي الميرغني وزوجته، أثناء تواجدهم في حفل الفنان إيهاب توفيق، في مدينة العلمين الجديدة.
نشرت “أحمد” الفيديو عبر حسابها الشخصي على موقع “إنستجرام“، وعلقت عليه كاتبة: “عسل يا حمدي والله أحلى سهرة معاك انت وإسراء القمر وأجمل صوت إيهاب توفيق اللي كنت مشتاقه قوي أسمع صوته”.
نرشح لك: أحدهم سائق “موتوسيكل”.. هند صبري: حببت من طرف واحد مرتين
View this post on Instagram
على صعيد آخر، أثارت مها أحمد الجدل مؤخرًا بسبب أزمتها مع بطلي مسلسل “نسل الأغراب”، الذي عرض ضمن الموسم الرمضاني الماضي 2021.
منشورا كتبت فيه الآتي: “عوضي على الله دي الجملة اللي دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم مبيعملوش كده مع أي زميلة لهم أقربها أنا، النجم الأولاني بيني وبينه عيش وملح وزماله رشحت فمسلسل بطولته وكان بيقنعني بدور ولما وافقت بعتولى دور تاني معرفوش دور متعملوش واحده مبتدئه المفروض انه عارف قيمته الفنية وعارف إني إضافة له اتهرب مني وموقفش جنبي وباعني رغم إن الكل عارف إني زي اخته (ندل)”.
أضافت: “اما التاني كان فبداياته يتمنى يسلم عليا ويقولي يا أستاذة نزلت من نفسي وقلتله مش هنشتغل مع بعض ما هى الحوجة مرة رد وقالي الدور بينادي صاحبه، طبعا محكلكوش قد ايه ندمت نفسي وعشت أسود أيام حياتي عياط واكتئاب، وقلت (عوضى عليك يارب)، تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتية للأستاذة)”.
اختتمت: “يمهل ولا يهمل ابدؤا من جديد يا أوفر تمثيل ياللي مبتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح بلاش تتشطروا على أساتذتكوا، (عوضنا على الله) يارب متحوجنا لحد حتى ولو كان أقرب الناس لينا.