مها أحمد تمازح أحمد سعد: يارب تشغلني معاك وتخليني أغني
شاركت الفنانة مها أحمد، الجمهور بمقطع فيديو ظهرت فيه وهي ترقص على أنغام أغاني الفنان أحمد سعد، خلال حفله الأخير في مدينة العلمين بالساحل.
نشرت “أحمد” الفيديو عبر حسابها الشخصي على موقع “إنستجرام” وعلقت عليها كاتبة: “ايه رأيكم أخس خمسة كيلو كمان ولا كده كويس.. اديني روحت حفلة أحمد سعد يارب يا أحمد تشغلني معاك وتخليني أغني.. أقسم بالله صوتك عالمي وكل الناس اتبسطت جدا ما شاء الله صوت ومزيكا وكلمات ربنا يحميك”.
View this post on Instagram
نرشح لك: غصب عني.. مصطفى حجاج يكشف سبب طرح أغنية “وداعك مر”
على صعيد آخر، أثارت مها أحمد الجدل مؤخرًا بسبب أزمتها مع بطلي مسلسل “نسل الأغراب”، الذي عرض ضمن الموسم الرمضاني الماضي 2021.
منشورا كتبت فيه الآتي: “عوضي على الله دي الجملة اللي دايما بقولها لما اتصدم في أشخاص، الحكاية يا سادة نجمين عملوا مسلسل واتنجمت عليهم بنوته لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم إن طول عمرهم مبيعملوش كده مع أي زميلة لهم أقربها أنا، النجم الأولاني بيني وبينه عيش وملح وزمالة رشحت فمسلسل بطولته وكان بيقنعني بدور ولما وافقت بعتولى دور تاني معرفوش دور متعملوش واحده مبتدئه المفروض انه عارف قيمته الفنية وعارف إني إضافة له اتهرب مني وموقفش جنبي وباعني رغم إن الكل عارف إني زي اخته (ندل)”.
أضافت: “اما التاني كان فبداياته يتمنى يسلم عليا ويقولي يا أستاذة نزلت من نفسي وقلتله مش هنشتغل مع بعض ما هى الحوجة مرة رد وقالي الدور بينادي صاحبه، طبعا محكلكوش قد ايه ندمت نفسي وعشت أسود أيام حياتي عياط واكتئاب، وقلت (عوضى عليك يارب)، تمر الأيام والاتنين يعلو ويتجمعوا مع بعض فمسلسل واحد (على عينهم طبعا) ويمثلوا وحش قوي تمثيل الكفار وطلعوا كمان مبيقروش اللي بيمثلوه وربنا يركب عليهم بنوته سنة أولى تمثيل وخبره ويتحول المسلسل والدعاية الدراما كامله لصالحها وهما (مخدماتية للأستاذة)”.
اختتمت: “يمهل ولا يهمل ابدؤا من جديد يا أوفر تمثيل ياللي مبتقروش يا كومبارس جنب النجمة، نصيحة بلاش تتشطروا على اللي كان بينكم وبينهم عيش وملح بلاش تتشطروا على أساتذتكوا، (عوضنا على الله) يارب متحوجنا لحد حتى ولو كان أقرب الناس لينا.