داعية يوضح متى يكون "سب الدين" معصية وليس كفر
كشف الداعية محمد أبو بكر، عن حكم سب الدين، وقال إن فعل سب الدين هو فعل كفر إن قصد به إهانة الله سبحانه وتعالى.
أوضح “أبو بكر” خلال حلقة اليوم في برنامج “اسأل مع دعاء” المذاع على شاشة النهار، وتقدمه مع الإعلامية دعاء فاروق: “إحنا مينفعش نقول فلان كافر، الشخص تسميه كافر تبقى دخلت في كارثة حتى مهما فعل، إحنا مهمتنا نقول هذا الفعل فعل كفر، وهقول مثال كان فيه راجل معانا بيصلي ونحسبه على خير وبعدين حصلت مشكلة بينه وبين زوجته أنا حضرتها”.
نرشح لك: داعية: لا يوجد نص في القرآن والسنة يمنع المرأة من تلاوة القرآن
ذكر أن الجميع ترك المشكلة وإذا كان هو المخطيء أو زوجته، مضيفا: “ومسكوا إن الراجل سب الدين، وقالوا ازاي؟ اللي دقنه اتنين متر، ده كفر.. الراجل قال أنا لا أقصد بها إهانة الله سبحانه وتعالى لكن التاني جاب سيرة أمي وسيرة أبويا، فأنا مش لاقي حاجة أغيظه ولا أهينه بيها إلا في عقيدتي زي ما أنا فاهم إن ده، فهو اعتبرها نوع من أنواع الشتيمة، يبقى معصية شديدة شويتين لكن مش كفر، إنما نقول عليه فعل كفر إذا قصد بها إهانة الله سبحانه وتعالى”.
أشار إلى أنه لا بد من توجيه النصيحة للشخص الذي يسب وتذكيره بفضل الله عليه بطريقة حسنه ولينة، مستشهدا بقول الله تعالى: “ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ”.